(vovworld) – ບັນດາພາຫະນະສື່ມວນຊົນຂອງ ກຳປູເຈຍ ເມື່ອວັນທີ 2/8 ໄດ້ໃຫ້ຂ່າວກ່ຽວກັບເລື່ອງຄະນະບໍລິຫານງານສູນກາງພັກ ກອມມູນິດ ຫວຽດນາມ ໄດ້ຝາກສານອວຍພອນ ກຳປູເຈຍ ຈັດຕັ້ງການເລືອກຕັ້ງສະພາແຫ່ງຊາດ ອາຍຸການທີ 5 ແລະ ພັກປະຊາຊົນ ກຳປູເຈຍ (CPP) ຍາດໄດ້ໄຊຊະນະ. ຊ່ອງໂທລະພາບແຫ່ງຊາດ ກຳປູເຈຍ (TVK), ວິທະຍຸກະຈາຍສຽງ ແຫ່ງຊາດ ກຳປູເຈຍ (RNK) ແລະ ບັນດາຊ່ອງໂທລະພາບຄື: Apasara, Bayon, TV3... ລ້ວນແຕ່ໃຫ້ຂ່າວກ່ຽວກັບເນື້ອໃນຂອງສານອວຍພອນຂອງພັກກອມມູນິດ ຫວຽດນາມ. ສື່ເອກເລັກໂຕນິກຫຼາຍສະບັບ ກໍ່ໄດ້ຄັດສະເໜີເນື້ອໃນຂອງສານອວຍພອນ, ໃນນັ້ນໄດ້ເນັ້ນໜັກວ່າ: “ດ້ວຍນ້ຳໃຈອ້າຍນ້ອງ, ເພື່ອນຮ່ວມກົມກອງທີ່ສະໜິດສະໜົມ, ພັກກອມມູນິດ ຫວຽດນາມ ແລະ ປະຊາຊົນ ຫວຽດນາມ ຂໍຝາກຄຳອວຍພອນເຖິງພັກປະຊາຊົນກຳປູເຈຍ ແລະ ປະຊາຊົນກຳປູເຈຍ ອ້າຍນ້ອງ”.