(vovworld) - ຕອນເຊົ້າວັນທີ 07/02, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ ສົມທົບກັບກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ ແລະ ໜັງສື່ພິມ ເຍີນເຢີນ ສຽງຂອງພັກກອມມູນິດຫວຽດນາມ ຈັດກອງປະຊຸມແລກປ່ຽນວຽກງານສື່ມວນຊົນຍາມຕົ້ນລະດູບານໃໝ່ປີ 2014.
ກ່າວຄຳເຫັນທີ່ການພົບປະ, ໂດຍຕາງໜ້າໃຫ້ກົມການເມືອງ, ຄະນະເລຂາສູນກາງພັກ, ທ່ານດິງເທ໋ຮີນ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງຫວຽດນາມ ຊີ້ແຈ້ງວ່າ, ປີ 2014 ມີຄວາມໝາຍສຳຄັນຍິ່ງໃນຍຸດທະສາດພັດທະນາເສດຖະກິດສັງຄົມໄລຍະ 10 ປີ ແຕ່ປີ 2011 – 2020 ດ້ວຍຈຸດໝາຍ ນຳຫວຽດນາມ ໃຫ້ກາຍເປັນປະເທດອຸດສາຫະກຳຕາມທິດທັນສະໄໝໃນປີ 2020. ສະນັ້ນ, ບັນດາຜູ້ເຮັດວຽກງານດ້ານສື່ມວນຊົນ ຕ້ອງສືບຕໍ່ເສີມຂະຫຍາຍມູນເຊື້ອອັນສະງ່າລາສີຂອງພື້ນຖານດ້ານສື່ມວນຊົນປະຕິວັດ, ເປັນເຈົ້າການມີຫົວຄິດປະດິດສ້າງ, ຖະແຫູງຂ່າວໂຄສະນາຢ່າງຮອບດ້ານ, ເລີກເຊິ່ງ, ຊື່ຕົງ ທັນການໃນກິດຈະການປ່ຽນໃໝ່ປະເທດຊາດ. ທ່ານດິງເທ໋ຮີນ ກ່າວວ່າ.
“ໃນໄລຍະ 2 ປີຍັງເຫຼືອ ແມ່ນໄລຍະທີ່ພວມເຮົາສູ້ຊົນຢ່າງຂ້ຽວຂາດ ເພື່ອຍາດເອົາຄືນທ່າເຕີບໂຕແນໃສ່ຜ່ານຜ່າຄວາມຫຍຸ້ງຍາກ, ສິ່ງທ້າທ້າຍນາໆປະການ, ສູ້ຊົນສຳເລັດບັນດາຈຸດໝາຍເຊິ່ງກອງປະຊຸມໃຫຍ່ຄັ້ງທີ 11 ໄດ້ວາງອອກ. ນັ້ນແມ່ນໜ້າທີ່ອັນໜັກໜ່ວງຂອງທົ່ວພັກ, ທົ່ວປວງຊົນຫວຽດນາມ, ໃນນັ້ນສື່ມວນຊົນສວນບົດບາດສຳຄັນຍ່ິງ.”
ໂດຍຕາງໜ້າໃຫ້ລັດຖະບານ, ທ່ານຮອງນາຍົກລັດຖະມົນຕີຫວຽດນາມ ວູດຶດດາມ ຢືນຢັນວ່າ ໃນປີ 2014, ລັດຖະບານສືບຕໍ່ຊີ້ນຳບໍລິຫານບັນດາກົນໄກນະໂຍບາຍ ດ້ວຍຈຸດໝາຍຮັກສາທ່າເຕີບໂຕ, ຮັກສາເສດຖະກິດມະຫາພາກເປັນປົກກະກິ, ຮັບປະກັນຊີວິດສັງຄົມ... ທ່ານຮອງນາຍົກລັດຖະມົນຕີ ວູດຶກດາມສະເໜີວ່າ.
“ລັດຖະບານສະເໜີໃຫ້ອົງການສື່ມວນຊົນຕ່າງໆ ສືບຕໍ່ເສີມຂະຫຍາຍມູນເຊື້ອຂອງສື່ມວນຊົນປະຕິວັດ ກໍ່ຄືເສີມຂະຫຍາຍບັນດາຜົນງານທີ່ບັນລຸໄດ້ໃນຊຸມປີຜ່ານມາ, ສືບຕໍ່ພ້ອມກັບລັດຖະບານ ແລະ ປະຊາຊົນທົ່ວປະເທດປະຕິບັດບັນດາຄາດໝາຍເຊິ່ງພັກໄດ້ວາງອອກຢ່າງມີໄຊ. ລັດຖະບານປາດຖະໜາ ແລະ ຮຽກຮ້ອງມວນຊົນຫວຽດນາມ ຮຽງບ່າຮຽນໄຫຼ່ພ້ອມກັບລັດຖະບານຕັດສິນໃຈປ່ຽນໃໝ່ແນໃສ່ບັນດາຈຸດໝາຍເຊິ່ງມະຕິຂອງສູນກາງພັກໄດ້ວາງອອກ”.