(vovworld) - ວັນທີ 05/02, ຢູ່ຮ່າໂນ້ຍ, ສະພາວິທະຍາສາດບັນດາອົງການພັກສູນກາງ ໄດ້ຈັດຕັ້ງກອງປະຊຸມຜັນຂະຫຍາຍໜ້າທີ່ປີ 2013. ກ່າວຄຳເຫັນນະທີ່ນີ້, ທ່ານ ດິງເທ໋ຮີງ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ໄດ້ໃສ່ໃຈວ່າ ປີ 2013 ເປັນປີບານພັບໃນການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ; ເປັນປີສືບຕໍ່ຜັນຂະຫຍາຍມະຕິສູນກາງພັກຄັ້ງທີ 4 ຊຸດທີ 11 “ບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ” ແລະ ມະຕິສຳຄັນອື່ນໆ. ເພາະສະນັ້ນ, ສະພາວິທະຍາສາດບັນດາອົງການພັກສູນກາງຕ້ອງກຳນົດບົດບາດຂອງວຽກງານຄົ້ນຄວ້າວິທະຍາສາດ, ຮັບໃຊ້ບັນດາລາຍການເຮັດວຽກຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາເປັນຢ່າງດີ, ປະກອບສ່ວນສ້າງມະຕິຕ່າງໆຂອງສູນກາງ. ຄຽງຂ້າງນັ້ນ, ຕ້ອງສືບຕໍ່ປ່ຽນໃໝ່ວິທີ, ແບບແຜນການເຮັດວຽກ, ຍົກສູງລັກສະນະວິຊາການ, ເສີມຂະຫຍາຍບົດບາດພູມປັນຍາ, ຂໍ້ລິເລີ່ມຂອງບັນດາສະມາຊິກ, ກຳລັງແຮງສັງລວມຂອງຖັນແຖວພະນັກງານຄົ້ນຄວ້າທິດສະດີການເມືອງຂອງບັນດາອົງການພັກສູນກາງ; ສ້າງກົນໄກສົມທົບກັນ, ຮ່ວມມືກັບບັນດາອົງການ, ທ້ອງຖິ່ນຕ່າງໆຢ່າງແໜ້ນແຟ້ນ ແລະ ມີເນື້ອໃນລະອຽດເພື່ອຍົກລະດັບເປັນເສທາທິການ, ຄຸນນະພາບໃນການໃຫ້ຄຳປຶກສາ, ຊ່ວຍໃຫ້ສະພາສຳເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ.