(vovworld) – ວັນທີ 16/11, ສະພາແຫ່ງຊາດປຶກສາຫາລືບຸກຄະລາກອນຂອງສະພາແຫ່ງຊາດແລະຮ່າງກົດໝາຍບາງສະບັບ. ດ້ວຍບັດສະໜັບສະໜູນສ່ວນຫຼາຍ, ສະພາແຫ່ງຊາດໄດ້ປ່ອນບັດເລືອກຕັ້ງບາງຕຳແໜ່ງຄື: ກຳມະການຄະນະປະຈຳສະພາແຫ່ງຊາດ, ຮອງປະທານສະພາຊົນເຜົ່າຂອງສະພາແຫ່ງຊາດ, ຮອງຫົວໜ້າກຳມາທິການກົດໝາຍຂອງສະພາແຫ່ງຊາດ, ຮອງຫົວໜ້າກຳມາທິການວັດທະນະທຳຊາວໜຸ່ມ, ເຍົາວະຊົນ ແລະ ອະນຸຊົນຂອງສະພາແຫ່ງຊາດ, ຮອງຫົວໜ້າກຳມາທິການບັນດາບັນຫາສັງຄົມຂອງສະພາແຫ່ງຊາດ, ຮອງຫົວໜ້າກຳມາທິການພົວພັນຕ່າງປະເທດຂອງສະພາແຫ່ງຊາດ.
ກໍ່ໃນວັນທີ 16/11, ສະພາແຫ່ງຊາດໄດ້ຮັບຟັງໃບສະເໜີ ແລະ ບົດລາຍງານກວດກາກ່ຽວກັບຮ່າງກົດໝາຍວ່າດ້ວຍການລົງທຶນຂອງລັດ. ໃບສະເໜີຂອງລັດຖະບານຢັ້ງຢືນຢ່າງຈະແຈ້ງຄວາມຈຳເປັນຕ້ອງປະກາດໃຊ້ກົດໝາຍວ່າດ້ວຍການລົງທຶນຂອງລັດເພື່ອສ້າງພື້ນຖານດ້ານນິຕິກຳຢ່າງຄົບຊຸດ, ເປັນເອກະພາບ, ແກ້ໄຂສະພາບການລົງທຶນບໍ່ມີຈຸດສຸມ, ຟຸມເຟືອຍ, ປະກອບສ່ວນຍົກສູງປະສິດທິຜົນແຫ່ງການລົງທຶນຂອງລັດຖືກກັບຈຸດໝາຍ, ກຳນົດທິດຍຸດທະສາດ, ແຜນພັດທະນາເສດຖະກິດ - ສັງຄົມຂອງປະເທດຊາດ. ທ່ານ ຫງວຽນວັນເຢົ່າ, ກຳມະການຄະນະປະຈຳສະພາແຫ່ງຊາດ, ຫົວໜ້າກຳມາທິການເສດຖະກິດຂອງສະພາແຫ່ງຊາດໄດ້ສະເໜີບົດລາຍງານກວດກາກ່ຽວກັບຮ່າງກົດໝາຍວ່າດ້ວຍການລົງທຶນແຫ່ງລັດ, ຊີ້ແຈ້ງວ່າ:
“ບາງຄຳເຫັນສະເໜີຕີລາຄາຜົນສະທ້ອນເມື່ອປະກາດໃຊ້ກົດໝາຍວ່າດ້ວຍການລົງທຶນຂອງລັດ ເຖິງບັນດາກົດໝາຍທ່ີກ່ຽວຂ້ອງໃນປະຈຸບັນ, ບັນດາຂໍ້ກຳນົດທີ່ຕ່າງກັບກົດໝາຍສະບັບນີ້ຍັງມີຜົນສັດສິດ ແລະ ສືບຕໍ່ ຫຼືບໍ່ສຶບຕໍ່ປະຕິບັດ. ສະເໜີຮ່າງກົດໝາຍຄວນເພີ່ມເຕີມຂໍ້ກຳນົດການເຄື່ອນໄຫວລົງທຶນຂອງບັນດາວິສາຫະກິດທີ່ນຳໃຊ້ທຶນຂອງລັດເພື່ອລົງທຶນປະຕິບັດບັນດາໂຄງການລົງທຶນຂອງລັດ”
ກໍ່ໃນວັນດຽວກັນ, ສະພາແຫ່ງຊາດໄດ້ຮັບຮອງເອົາກົດໝາຍວ່າດ້ວຍວຽກເຮັດງານທຳ, ກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍການແຂ່ງຂັນ, ຍ້ອງຍໍຊົມເຊີຍ ແລະ ປຶກສາຫາລືຮ່າງກົດໝາຍວ່າດ້ວຍພາສີ (ສະບັບປັບປັງ).