(ພາບປະກອບ)
(vovworld) - ຕອນຄໍ່າວັນທີ 07/05, ຢູ່ເກາະ ຊອງຕືໄຕ, ເມືອງເກາະ ເຈື່ອງຊາ (ແຂວງ ແຂ໋ງຮ່ວາ), ກອງບັນຊາການທະຫານເຮືອ ໄດ້ຈັດພິທີສະເຫຼີມສະຫຼອງ 58 ປີແຫ່ງວັນສ້າງຕັ້ງກອງທັບເຮືອປະຊາຊົນຫວຽດນາມ (07/05/1955 – 07/05/2013). ກ່າວຄຳເຫັນທີ່ພິທີ, ພົນເຮືອຕີ ດິງຢາເທີດ, ກຳມະການການເມືອງເຫຼົ່າທັບເຮືອປະຊາຊົນຫວຽດນາມ ເນັ້ນໜັກວ່າ: ພິທີສະເຫຼີມສະຫຼອງແມ່ນເຫດການມີຄວາມໝາຍຄຳຄັນເພື່ອໃຫ້ພະນັກງານ, ນັກຮົບຫວນຄືນມູນເຊື້ອອັນສະຫງ່າລາສີໃນກວ່າເຄຶ່ງສະຕະສະວັດແຫ່ງການກໍ່ສ້າງ, ຕໍ່ສູ້ ແລະ ເຕີບໃຫຍ່. ພ້ອມທັງຢືນຢັນໜ້າທີ່ປົກປັກຮັກສາຜືນແຜ່ນດິນອັນຄົບຖ້ວນ, ອະທິປະໄຕທະເລ, ໝູ່ເກາະ, ໄຫຼ່ທະວີບທີ່ສັກກະລະບຸຊາຂອງປະເທດຊາດຢ່າງໝັ້ນຄົງ ແມ່ນຄວາມຮັບຜິດຊອບອັນໜັກໜ່ວງ ແລະ ສະຫງ່າລາສີ, ແມ່ນໜ້າທີ່ຂອງທັງລະບົບການເມືອງ ແລະ ກຳລັງແຮງສັງລວມຂອງທົ່ວທັງຊາດ, ໃນນັ້ນ, ກອງທັບເຮືອປະຊາຊົນຫວຽດນາມ ແມ່ນແກ່ນສານຂອງພື້ນຖານປ້ອງກັນຊາດທົ່ວປວງຊົນບົນທະເລ. ເຫຼ່ົາທັບເຮືອທັງໝົດສຸມທຸກຄວາມມານະພະຍາຍາມເພື່ອກໍ່ສ້າງເຫຼົ່າທັບເຮືອປະຕິວັດ, ໃນກຳລັງຫຼວງ, ທັນສະໄໝ, ປົກປັກຮັກສາອະທິປະໄຕທະເລ, ໝູ່ເກາະຂອງປະເທດຊາດ, ຮັກສາສະພາບແວດລ້ອມສັນຕິພາບ, ສະຖຽນລະພາບ ແລະ ມິດຕະພາບກັບບັນດາປະເທດບ້ານໃກ້ເຮືອນຄຽງ, ປະກອບສ່ວນສ້າງສາ ແລະ ປົກປັກຮັກສາສັງຄົມນິຍົມຫວຽດນາມ.