ທ່ານຮອງນາຍົກລັດຖະມົນຕີ ຟ້າມບີ່ງມິງ ກ່າວຄຳເຫັນທີ່ພິທີສະ
ເຫຼີມສະຫຼອງ
(ພາບ: Thống Nhất/TTXVN)
|
(vovworld) – ຕອນຄ່ຳວັນທີ 6/5, ຢູ່ຮ່າໂນ້ຍສະຖານທູດ 5 ປະເທດປະຈຳ ຫວຽດນາມ ເຊິ່ງລວມມີ: ສະຫະພັນລັດເຊຍ, ອາແຊັກໄບຢານ, ອາກເມນີ, ເບລາຣຸດ ແລະ ກະຊັກສະຖານ ໄດ້ຈັດຕັ້ງພິທີສະເຫຼີມສະຫຼອງ 70 ປີແຫ່ງໄຊຊະນະ ໃນສົງຄາມປົກປັກຮັກສາປະເທດຊາດທີ່ຍິ່ງໃຫຍ່. ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ຟ້າມບີ່ງມິງ ແລະ ບັນດາເອກອັກຄະລັດຖະທູດ, ອຸປະທູດຊົ່ວຄາວ, ຜູ້ຕາງໜ້າບັນດາອົງການສາກົນປະຈຳ ຮ່າໂນ້ຍ ເຂົ້າຮ່ວມ…
ທີ່ພິທີ, ໂດຍຕາງໜ້າລັດຖະບານ ຫວຽດນາມ, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຟ້າມບີ່ງມິງ ຢັ້ງຢືນວ່າ: ໂລກໄດ້ປ່ຽນແປງແຕ່ໄຊຊະນະ ຟາດຊິດດ້ວຍບົດບາດຕັດສິນຂອງ ໂຊວຽດ ຍາມໃດກໍ່ແມ່ນສັດຈະທຳ, ແມ່ນປະຫວັດສາດທີ່ສະຫງ່າລາສີຂອງມວນມະນຸດເຊິ່ງບໍ່ມີໃຜສາມາດປະຕິເສດໄດ້. ທ່ານຮອງນາຍົກລັດຖະມົນຕີ ຢັ້ງຢືນວ່າ: ຫວຽດນາມ ຍາມໃດກໍ່ຈົດຈຳໄຊຊະນະຂອງປະຊາຊົນ ຫວຽດນາມ ແມ່ນເລີ່ມມາຈາກໄຊຊະນະໃນສົງຄາມປົກປັກຮັກສາປະເທດຊາດທີ່ຍິ່ງໃຫຍ່.
ທ່ານຮອງນາຍົກລັດຖະມົນຕີ ໃຫ້ຮູ້ວ່າ: ປະຈຸບັນ, ການພັດທະນາການພົວພັນກັບ ອາແຊັກໄບຢານ, ອາກເມນີ, ເບລາຣຸດ ແລະ ກະຊັກສະຖານ ແລະ ສະຫະພັນ ລັດເຊຍ ຍາມໃດກໍ່ແມ່ນທິດບຸລິມະສິດສຳຄັນໃນນະໂຍບາຍພົວພັນຕ່າງປະເທດຂອງ ຫວຽດນາມ. ໃນໄລຍະປະຫວັດສາດໃໝ່, ທ່ານຮອງນາຍົກລັດຖະມົນຕີ ເຊື່ອໝັ້ນວ່າ: ການພົວພັນລະຫວ່າງ ຫວຽດນາມ ແລະ ບັນດາປະເທດດັ່ງກ່າວຈະສືບຕໍ່ພັດທະນາຢ່າງແຮງ ແລະ ບັນລຸໄດ້ຫຼາຍຜົນງານກ່ວາອີກ, ເພື່ອຄວາມວັດທະນາຖາວອນຂອງແຕ່ລະປະເທດ, ເພື່ອສັນຕິພາບ, ສະຖຽນລະພາບ ແລະ ຄວາມວັດທະນາຖາວອນໃນພາກພື້ນ ແລະ ໃນໂລກ.