ສະເຫຼີມສະຫຼອງປີແຫ່ງຄວາມສາມັກຄີ ມິດຕະພາບ ຫວຽດນາມ - ລາວ
ນັກຂ່າວ VOV ປະຈຳລາວ -  
ຜູ້ແທນເຂົ້າຮ່ວມພິທີໂຮມຊຸມນຸມ
(ພາບ: vietnamplus.vn)
(vovworld) – ວັນທີ 10/4, ຢູ່ນະຄອນຫຼວງວຽງຈັນ, ສະຫະພັນໃຫຍ່ແຮງງານຫວຽດນາມ ສົມທົບກັບສູງກາງກຳມະບານລາວ ໄດ້ຈັດຕັ້ງພິທີໂຮມຊຸມນຸມມິດຕິງສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ, 35 ປີແຫ່ງວັນເຊັນສົນທິສັນຍາມິດຕະພາບ ການຮ່ວມມືຮອບດ້ານ ແລະ ປີແຫ່ງຄວາມສາມັກຄີມິດຕະພາບຫວຽດນາມ - ລາວ 2012. ເຂົ້າຮ່ວມພິທີໂຮມຊຸມນຸມມີທ່ານ ເຈືອງ ສົມບຸນຂັນ, ເລຂາສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ພ້ອມກັບພະນັກງານບັນດາກະຊວງ, ຂະແໜງການຂອງຫວຽດນາມ ແລະ ລາວ. ກ່າວຄຳເຫັນທີ່ພິທີ, ທ່ານ Hoang Thanh Ngoc, ຮອງປະທານສະຫະພັນໃຫຍ່ແຮງງານຫວຽດນາມ ໄດ້ຊີ້ແຈງມູນເຊື້ອສາມັກຄີຂອງ 2 ຊາດໃນໄລຍະຜ່ານມາ, ພິເສດແມ່ນສະຫະພັນໃຫຍ່ແຮງງານ 2 ປະເທດ. ທ່ານ ຄຳຫຼ້າ ລໍລອນສີ, ປະທານສູນກາງກຳມະບານລາວ ຢືນຢັນວ່າ: ຄວາມສາມັກຄີຊ່ວຍເຫຼືອເຊິ່ງກັນ ແລະ ກັນຂອງ 2 ປະເທດແມ່ນຊັບສົມບັດອັນລ້ຳຄ່າ ເຊິ່ງປະຊາຊົນ 2 ປະເທດປົກປັກຮັກສາ ແລະ ສືບຕໍ່ເສີມຂະຫຍາຍ. ເນື່ອງໃນໂອກາດນີ້, ສະຫະພັນໃຫຍ່ແຮງງານຫວຽດນາມ ໄດ້ມອບຫຼຽນກາ ເພື່ອພາລະກິດສ້າງສາອົງການກຳມະບານໃຫ້ແກ່ພະນັກງານສູນກາງກຳມະບານລາວ 9 ທ່ານ.
ນັກຂ່າວ VOV ປະຈຳລາວ