(vovworld) - ເພື່ອເປັນການສະເຫຼີມສະຫຼອງ 81 ປີ ແຫ່ງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈີມິນ (26/3/1930 – 26/3/2012) ມີການເຄື່ອນໄຫວທີ່ແທດຈິງຫຼາຍຢ່າງໄດ້ຈັດຂຶ້ນຢູ່ທ້ອງຖິ່ນຕ່າງໆໃນທົ່ວປະເທດ.
ຕອນຄ່ຳວັນທີ 25/3, ຢູ່ຮ່າໂນ້ຍ, ຄະນະຊາວໜຸ່ມນະຄອນ ຮ່າໂນ້ຍໄດ້ຈັດງານໂຮມຊຸມນຸມມິດຕິງສະເຫຼີມສະຫຼອງ 81 ປີ ແຫ່ງວັນສ້າງຕັ້ງຄະນະຊາວໜຸ່ມກອມມູນິດໂຮ່ຈີມິນ, ຍ້ອງຍໍຊົມເຊີຍເລຂາຊາວໜຸ່ມທີ່ດີເດັ່ນ ແລະ ສ່ວນບຸກຄົນ, ຮູບແບບຊາວໜຸ່ມສ້າງເສດຖະກິດເກັ່ງປີ 2012. ມີເລຂາຊາວໜຸ່ມນະຄອນ 140 ຄົນ, ສ່ວນບຸກຄົນ 55 ຄົນ ແລະ ຕາງໜ້າຮູບແບບຊາວໜຸ່ມຊົນນະບົດສ້າງເສດຖະກິດເກັ່ງໄດ້ຮັບການຍ້ອງຍໍຊົມເຊີຍ. ໂດຍແມ່ນໜຶ່ງໃນບັນດາແບບຢ່າງກ່ຽວກັບຊາວໜຸ່ມຊົນນະບົດສ້າງເສດຖະກິດເກັ່ງໄດ້ຮັບການຍ້ອງຍໍຊົມເຊີຍ, ເພື່ອນ Nguyen Phuong Quang ແບ່ງປັນວ່າ:
“ຂ້າພະເຈົ້າມ່ວນຫຼາຍເພາະນີ້ແມ່ນຄວາມເອົາໃຈໃສ່ຂອງກະຊວງກະສິກຳ, ຄະນະຊາວໜຸ່ມນະຄອນ ຮ່າໂນ້ຍ ສະຫງວນໃຫ້ແກ່ຊາວໜຸ່ມຊົນນະບົດ ສາມາດເສີມຂະຫຍາຍຄວາມສາມາດຂອງຕົນເພື່ອພັດທະນາເສດຖະກິດ. ນີ້ກໍແມ່ນກຳລັງໜູນເພື່ອໃຫ້ຂ້າພະເຈົ້າພັດທະນາຮູບແບບສ້າງເສດຖະກິດຕາມ 3 ມາດຖານຂອງພັກ ແລະ ລັດພວມປະຕິບັດແມ່ນ ກະສິກຳ, ຊາວກະສິກອນ ແລະ ຊົນນະບົດ”
ແລະກໍໃນຕອນຄຳວັນທີ 25/3, ຄະນະຊາວໜຸ່ມນະຄອນໂຮ່ຈີມິນກໍຈັດຕັ້ງສະເຫຼີມສະຫຼອງ 81 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈີມິນ. ກ່າວຄຳເຫັນນະພິທີ, ທ່ານນາງ Nguyen Thi Thu Ha, ຮອງເລຂາຄະນະພັກນະຄອນ ໂຮ່ຈີມິນ ຢືນຢັນວ່າ: ພັກ, ລັດ ແລະ ປະຊາຊົນເຊື່ອໝັ້ນວ່າ ໄວໜຸ່ມນະຄອນຈະປະກອບສ່ວນຢ່າງແທດຈິງເພື່ອແນໃສ່ປະຕິບັດບັນດາໜ້າທີ່ພັດທະນາເສດຖະກິດ - ສັງຄົມຂອງນະຄອນຢ່າງມີປະສິດທິຜົນ. ທ່ານນາງເວົ້າວ່າ:
“ຄະນະຊາວໜຸມນະຄອນ ແລະ ຄະນະຊາວໜຸ່ມຂັ້ນຮາກຖານຄວນປຸກລະດົມຊາວໜຸ່ມເປັນແບບຢ່າງ, ນຳໜ້າໃນການເຂົ້າຮ່ວມການເຄື່ອນໄຫວເບິ່ງແຍງດູແລສຸຂະພາບ, ໃຫ້ຄຳປຶກສາດ້ານວິຊາຊີບ ແລະ ວຽກເຮັດງານທຳໃຫ້ແກ່ຊາວໜຸ່ມ, ເສີມຂະຫຍາຍນ້ຳໃຈປະຈັນບານໃນການສ້າງສາ ແລະ ພັດທະນານະຄອນ, ສົມເປັນຖັນແຖວຜູ້ສືບທອດທີ່ໄວ້ເນື້ອເຊື່ອໃຈຂອງພັກ”
ໃນຂະນະນັ້ນ, ໃນວັນທີ 25/3, ຄະນະຊາວໜຸ່ມນະຄອນ ຮ່າຢາງ ກໍຈັດຕັ້ງວັນບູນ “ໄວໜຸ່ມ ຮ່າຢາງ ກັບວັດທະນະທຳຄົມມະນາຄົມ” 2012 ເພື່ອຕອບສະໜອງ ປີ“ຄວາມສະຫງົບປອດໄພຄົມມະນາຄົມແຫ່ງຊາດ”.