ສະເໜີຕົວລາຍການ “ກັບເມືອສະໜາມຮົບເກົ່າ - ຕອບບຸນແທນຄຸນເພື່ອນຮ່ວມກົມກອງ”
ພາບປະກອບ
(vovworld) – ເນື່ອງໃນໂອກາດສະເຫຼີມສະຫຼອງ 40 ປີ ແຫ່ງບັ້ນຮົບ ລະດູບານໃໝ່ຕໍ່ ລະດູຮ້ອນ ແລະ ບັ້ນຮົບຈັ້ງທ່າ ກວາງຈີ້ 1972, ຕອນເຊົ້າວັນທີ 2/3, ຄະນະຈັດຕັ້ງລາຍການ “ກັບເມືອສະໜາມຮົບເກົ່າ - ຕອບບຸນແທນຄຸນເພື່ອນຮ່ວມກົມກອງໄດ້ຈັດພິທີສະເໜີຕົວຢູ່ຮ່າໂນ້ຍ, ດ້ວຍການເຂົ້າຮ່ວມຂອງນັກວິລະຊົນ, ນັກຮົບເກົ່າຫຼາຍທ່ານທີ່ຕາງໜ້າໃຫ້ແກ່ບັນດາກົມກອງທີ່ເຄີຍທຳການຕໍ່ສູ້ຢູ່ສະໜາມຮົບກວາງຈີ້. ອະດີດເລຂາທິການໃຫຍ່ພັກກອມມູນິດຫວຽດນາມ ເລຂາຟຽວ ໄດ້ເຂົ້າຮ່ວມ ແລະ ຮຽກຮ້ອງການສະໜັບສະໜູນຈາກທ່ົວສັງຄົມ, ບັນດາຜູ້ໃຈບຸນ ໃຈກູ້ສົນທີ່ມີຕໍ່ບັນດາຄອບຄົວທະຫານເສຍອົງຄະ, ນັກຮົບທີ່ເສຍສະຫຼະຊີວິດເພື່ອຊາດ, ນັກຮົບເກົ່າທີ່ປະສົບກັບຄວາມຫຍູ້ງຍາກ. ບັນດາການເຄື່ອນໄຫວຕົ້ນຕໍຂອງລາຍການລວມມີ: ຈັດຕັ້ງໃຫ້ບັນດານັກຮົບເກົ່າໄປຢ້ຽມຢາມສະໜາບຮົບເກົ່າ, ຊ່ວຍເຫຼືອເງິນໃຫ້ແກ່ບັນດາຄອບຄົວນົກຮົບທີ່ເສຍສະຫຼະຊີວິດເພື່ອຊາດ, ທະຫານເສຍອົງຄະ, ທະຫານເຈັບປ່ວຍ, ນັກຮົບເກົ່າທີ່ຍັງປະສົມກັບຄວາມຫຍູ້ງຍາກ, ພ້ອມທັງຊອກຫາອັດຖິນັກຮົບທີ່ເສຍສະຫຼະຊີວິດເພື່ອຊາດ ທີ່ຍັງບໍ່ທັນເຕົ້າໂຮມຢູ່ສຸສານ.