ສ້າງການລະໂອກາດພັດທະນາຄວາມສະເໝີພາບໃຫ້ແກ້ເດັກທຸກຍາກ ແລະ ເດັກນ້ອຍຊາວເຜົ່າສ່ວນໜ້ອຍ
(ພາບປະກອບ)
(vovworld) - ກ່າວຄຳເຫັນທີ່ການປະຊຸມຂ່າວຜັນຂະຫຍາຍເດືອນເຄື່ອນໄຫວເພື່ອເດັກນ້ອຍປີ 2013 ເຊິ່ງຈັດຂຶ້ນໃນຕອນເຊົ້າວັນທີ 17/05, ຢູ່ຮ່າໂນຍ, ທ່ານຫງວຽນຫາຍຫິ້ວ, ຫົວໜ້າກົມປົກປ້ອງເບິ່ງແຍງເດັກ, ກະຊວງແຮງງານທະຫານເສຍອົງຄະ ແລະ ສັງຄົມຫວຽດນາມ ໃຫ້ຮູ້ວ່າ: ດ້ວຍຫົວຂໍ້ວ່າ “ສ້າງກາລະໂອກາດພັດທະນາຄວາມສະເໝີພາບໃຫ້ແກ່ເດັກທຸກຍາກ ແລະ ເດັກນ້ອຍຊາວເຜົ່າສ່ວນໜ້ອຍ”, ເດືອນເຄື່ອນໄຫວເພື່ອເດັກນ້ອຍປີ 2013 ແມ່ນເພື່ອແນໃສ່ຍົກສູງຄວາມຮັບຮູ້ຂອງທົ່ວສັງຄົມ ເພື່ອວຽກງານເບິ່ງແຍງ, ປົກປ້ອງ ແລະ ສຶກສາເດັກເວົ້າລວມ, ພິເສດແມ່ນເດັກທຸກຍາກ, ເດັກຢູ່ເຂດຊົນເຜົ່າສ່ວນໜ້ອຍໃຫ້ນັບມື້ນັບບັນລຸປະສິດມິຜົນສູງ. ທ່ານ ຫງວຽນຫາຍຫິ້ວ ໃຫ້ຮູ້ວ່າ.
“ເດັກນ້ອຍທຸກຍາກປະຈຸບັນ ຖ້າຫາກໄລ່ຕາມມາດຖານຄວາມທຸກຍາກຂອງຫວຽດນາມ ແມ່ນມີເດັກນ້ອຍ 3 ລ້ານຄົນ ແລະ ໜຶ່ງໃນບັນດາຂໍ້ຈຳກັດຂອງພວກເຮົາແມ່ນ ໃນໄລຍະຜ່ານມາວຽກງານດັ່ງກ່າວແມ່ນບໍ່ມີຄວາມສະເໝີພາບກ່ຽວກັບບັນຫາສຳຜັດກັບການຮັບປະກັນຊີວິດສັງຄົມ, ສະຫວັດດີການສັງຄົມ. ສະນັ້ນ, ປີ 2013 ໄດ້ເລືອກຫົວຂໍ້ດັ່ງກ່າວ ເພື່ອລະດົມການເຂົ້າຮ່ວມຂອງອົງຄະນະຍາດສັງຄົມສະໜັບສະໜູນແຫຼ່ງກຳລັງໃຫ້ເດັກນ້ອຍທຸກຍາກ, ເດັກນ້ອຍຊົນເຜົ່າຫຼາຍກວ່າອີກ”.