(vovworld) - ວັນທີ 8/8, ກອງທຶນ “ບັນເທົ່າຄວາມເຈັບປວດຈາກທາດພິດສີສົ້ມ” ຂອງ ສຳນັກຂ່າວສານຫວຽດນາມ ແລະ ສະພາກາແດງແຂວງຫາຍເຢືອງ ໄດ້ລົງຢ້ຽມຢາມ, ລະດົມກຳລັງໃຈ ແລະ ມອບຂອງຂວັນໃຫ້ແກ່ບັນດາຄອບຄົວທີ່ປະສົບກັບຄວາມຫຍຸ້ງຍາກຢູ່ເມືອງ ບິ່ງຢາງ ແລະ ແທງມ້ຽນ, ແຂວງຫາຍເຢືອງ. ກອງທຶນໄດ້ມອບຂອງຂວັນ 10 ພຸດ, ແຕ່ລະພຸດມີມູນຄ່າ 1 ລ້ານດົງ ແລະ ລົດເຂັນໃຫ້ແກ່ອະດີດນັກຮົບ 13 ຄົນ, ຍາດຕິພີ່ນ້ອງອະດີດນັກຮົບ ເຊິ່ງແມ່ນຜູ້ປະສົບເຄາະຮ້າຍຈາກທາດພິດສີສົ້ມດີໂອຊິນ. ນອກຈາກການມອບຂອງຂວັນຢູ່ແຂວງຫາຍເຢືອງ ແລ້ວ, ກອງທຶນຍັງມອບຂອງຂວັນດ້ວຍຍອດມູນຄ່າກວ່າ 100 ຕື້ດົງ ໃຫ້ແກ່ຜູ້ປະສົບເຄາະຮ້າຍ 120 ຄົນຢູ່ 18 ແຂວງ, ນະຄອນອື່ນໆອີກ ແລະ ມອບຈຳນວນເງິນ 5 ລ້ານດົງໃຫ້ກອງທຶນ “ເຊີນເລີມ ແລະ ບັນດາເພື່ອນມິດ” ເພື່ອສະຫງວນໃຫ້ແກ່ຄົນພິການ.