(vovworld) - ພິທີສະເຫຼີມສະຫຼອງວັນສະຖາປະນາສ.ເກົາຫຼີ (3/10) ແລະ 20 ປີແຫ່ງວັນສ້າງຕັ້ງສາຍພົວພັນທາງການທູດກັບຫວຽດນາມ (22/12/1992 – 22/12/2012) ເຊິ່ງດຳເນີນໄປໃນຕອນຄໍ່າວັນທີ 2/10 ຢູ່ຮ່າໂນ້ຍ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ Nguyen Thien Nhan ໃຫ້ຮູ້ວ່າ ຫວຽດນາມ ແລະ ສ.ເກົາຫຼີ ພວມປະຕິບັດບັນດາໂຄງການ ແລະ ການເຄື່ອນໄຫວທ່ີມີຄວາມໝາຍໃນປີ 2012 “ປີມິດຕະພາບຫວຽດນາມ - ສ.ເກົາຫຼີ” ຄືການຢ້ຽມຢາມທາງການຂັ້ນສູງ, ການສະແດງສິລະປະ, ເວທີປາໄສວິທະຍາສາດ… ບັນດາເຫດການອື່ນໆກໍ່ພວມໄດ້ຮັບການກະກຽມນັບແຕ່ນີ້ຮອດທ້າຍປີ 2012. ທ່ານຮອງນາຍົກລັດຖະມົນຕີ Nguyen Thien Nhan ໄດ້ສະແດງຄວາມເຊື່ອໝັ້ນວ່າການພົວພັນຄູ່ຮ່ວມມືຍຸດທະສາດຫວຽດນາມ - ສ.ເກົາຫຼີ ຈະນັບມື້ນັບພັດທະນາຢ່າງເລິກເຊິ່ງກວ້າງຂວາງ, ເພື່ອຄວາມຈະເລີນຮຸງເຮືອງຂອງສອງປະເທດ, ປະກອບສ່ວນເພື່ອສັນຕິພາບ ແລະ ສະຖຽນລະພາບໃນທົ່ວໂລກ.
ແລະກໍໃນວັນດຽວກັນ, ຢູ່ນະຄອນໂຮ່ຈິມິນ, ກົງສູນໃຫຍ່ສ.ເກົາຫຼີ ປະຈຳນະຄອນໂຮ່ຈິມິນ ກໍໄດ້ຈັດພິທີດັ່ງກ່າວ.