ພິທີຮັບຮູ້ການປະກອບສ່ວນຂອງບັນດາອົງການບໍ່ຂຶ້ນກັບລັດຖະບານ
ຕ່າງປະເທດ
ພາບ:xaluan.com
|
(vovworld) - ວັນທີ 16/12 ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ສົມທົບກັບໂທລະພາບ ຫວຽດນາມ ຈັດຕັ້ງພິທີຮັບຮູ້ການປະກອບສ່ວນຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ ໃນການຫລຸດຜ່ອນຄວາມອຶດຫິວ ແລະ ພັດທະນາແບບຍືນຍົງ ຢູ່ ຫວຽດນາມ ປີ 2012. ນີ້ເປັນຄັ້ງທຳອິດທີ່ເຫດການປະຈຳປີໄດ້ຮັບການຈັດຕັ້ງດ້ວຍການພົບປະແລກປ່ຽນ ທີ່ມີຫົວຂໍ້ວ່າ: “ຄວາມຂອບອົກຂອບໃຈຈາກຫວຽດນາມ” ເພື່ອເຊີດຊູ ແລະ ປະກາດຢ່າງກວ້າງຂວາງເຖິງໝູ່ມະຫາຊົນກ່ຽວກັບການປະກອບສ່ວນທີ່ມີຄວາມໝາຍ ແລະ ແທດຈິງຂອງບັນດາອົງການບໍ່ຂຶ້ນກັບລັດຖະບານຕ່າງປະເທດໃຫ້ແກ່ກິດຈະການລົບລ້າງຄວາມອຶດຫິວຫລຸດຜ່ອນຄວາມທຸກຍາກ ແລະ ພັດທະນາແບບຍືນຍົງ ຢູ່ ຫວຽດນາມ ພ້ອມທັງເພີ່ມທະວີການຊຸກຍູ້ການພົວພັນຄູ່ຮ່ວມມືລະຫວ່າງບັນດາອົງການບໍ່ຂຶ້ນກັບລັດຖະບານຕ່າງປະເທດ ກັບ ຫວຽດນາມ. ກ່າວຄຳເຫັນນະພິທີ, ທ່ານ ຫວູຊວນຮົ່ງ, ປະທານສະຫະພັນບັນດາອົງການມິດຕະພາບ ຫວຽດນາມ ຊີ້ແຈງວ່າ:
“ໃນຊຸມປີຜ່ານມາ, ການພົວພັນລະຫວ່າງປະຊາຊົນ ຫວຽດນາມ ກັບປະຊາຊົນ ປະເທດຕ່າງໆໄດ້ຮັບການເພີ່ມທະວີ, ເຄືອຂ່າຍເພື່ອນມິດສາກົນຂອງ ຫວຽດນາມ ຢູ່ ແຕ່ລະປະເທດ ແລະ ບັນດາທະວີບໄດ້ຮັບການປັບປຸງ, ກໍ່ສ້າງ ແລະ ເສີມຂະຫຍາຍຢ່າງມີປະສິດທິຜົນ. ການຊ່ວຍເຫລືອຈາກອົງການບໍ່ຂຶ້ນກັບລັດຖະບານສືບຕໍ່ເພີ່ມຂຶ້ນ, ປີນີ້ສູງກວ່າປີກ່ອນ, ປະກອບສ່ວນຢ່າງມີຄວາມໝາຍເຂົ້າໃນພາລະກິດຮຳບາດແຜສົງຄາມ, ຫລຸດຜ່ອນຄວາມທຸກຍາກ, ພັດທະນາສາທາລະນະສຸກ, ການສຶກສາ, ຫນູນຊ່ວຍແກ້ໄຂບັນຫາສັງຄົມ, ປົກປັກຮັກສາສິ່ງແວດລ້ອມ, ຮັບມືກັບການປ່ຽນແປງຂອງ ດິນຟ້າອາກາດຢູ່ ຫວຽດນາມ.”