(vovworld) - ຕອນຄໍ່າວັນທີ 19/11, ຫວຽດນາມ ໄດ້ຮັບໄຊຊະນະໃນການເລືອກຕັ້ງ ແລະ ເປັນຄັ້ງທຳອິດທີ່ຫວຽດນາມ ກາຍເປັນສະມາຊິກຂອງຄະນະກຳມະການລະຫວ່າງລັດຖະບານ ຂອງສົນທິສັນຍາ 1972 ກ່ຽວກັບມໍລິດົກໂລກ. ດ້ວຍບັດສະໜັບສະໜູນ 93 ບັດໃນຈຳນວນ 169 ບັດ, ຫວຽດນາມ ນອນໃນບັນຊີລາຍຊື່ 11 ປະເທດບັນລຸຈຳນວນບັດສະໜັບສະໜູນສຸງກວ່າໝູ່ ແລະ ລື່ນກາຍອັດຕາ 50% ຈຳນວນບັດຕ້ອງການເພື່ອກາຍເປັນສະມາຊິກໃໝ່ຂອງຄະນະກຳມະການລະຫວ່າງລັດຖະບານ ຂອງສົນທິສັນຍາ 1972 (ຫຼືເອີ້ນວ່າ ຄະນະກຳມະການມໍລະດົກ). ສິ່ງດັ່ງກ່າວສະແດງໃຫ້ເຫັນຜົນສຳເລັດ ແລະ ອິດທິພົນຊື່ສຽງຂອງຫວຽດນາມ ໃນການພັດທະນາຢ່າງໝັ້ນຄົງ ຕິດພັນກັບການອະນຸລັກຮັກສາວັດທະນະທຳ. ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ປະຈຳຝລັ່ງ ພາຍຫຼັງໄດ້ຮັບຜົນຈາກການເລືອກຕັ້ງ, ທ່ານເອກອັກຄະລັດຖະທູດ ເຢືອງວັນກວາງ, ຫົວໜ້າຄະນະຜູ້ແທນຫວຽດນາມ ຢູ່ຄຽງຂ້າງ UNESCO ໃຫ້ຮູ້ວ່າ: ດ້ວຍການເຂົ້າເປັນສະມາຊິກຄະນະກຳມະການມໍລະດົກ, ຫວຽດນາມ ຈະເຂົ້າຮ່ວມການຊຸກຍູ້ການປະຕິບັດສົນທິສັນຍາ 1972 ສຳລັບ 190 ປະເທດສະມາຊິກຂອງສົນທິສັນຍາ. ຫວຽດນາມ ກໍ່ຈະເຂົ້າຮ່ວມການກວດບັນດາສຳເນົາເອກະສານມໍລະດົກເຊິ່ງບັນດາປະເທດສະເໜີຕໍ່ຄະນະກຳມະການມໍລະດົກ.