ກວດກາປ່າໄມ້ເຂດຊາຍແດນຫວຽດນາມ - ລາວ
(ພາບ: baomoi.com)
(vovworld) – ຫວ່າງແລ້ວນີ້ ຢູ່ນະຄອນຫລວງ ວຽງຈັນ (ລາວ) ໄດ້ດຳເນີນກອງປະຊຸມສະຫຼຸບການຈັດຕັ້ງປະຕິບັດບົດບັນທຶກຊ່ວຍຈຳລະຫວ່າງກົມກວດກາປ່າໄມ້ ລາວ ແລະ ກົມກວດກາປ່າໄມ້ ຫວຽດນາມ. ທີ່ກອງປະຊຸມ, 2 ຝ່າຍຕີລາຄາຄືນບັນດາໝາກຜົນໃນການພົວພັນຮ່ວມມືຂອງຂະແໜງປ່າໄມ້ 2 ປະເທດ ຊຶ່ງບັນລຸໄດ້ໃນໄລຍະຜ່ານມາ; ແລກປ່ຽນບັນດາບົດຮຽນກ່ຽວກັບວຽກງານຄຸ້ມຄອງ, ກໍຄືບັນດາເອກະສານນິຕິກຳໃໝ່, ນະໂຍບາຍຕ່າງໆໃນວຽກງານຄຸ້ມຄອງປົກປັກຮັາສາຊັບພະຍາກອນປ່າໄມ້ຂອງແຕ່ລະປະເທດ.
ທັງ 2 ຝ່າຍຖືວ່າ: ຫວຽດນາມ ແລະ ລາວ ພ້ອມກັນສ້າງແຜນການປົກປັກຮັກສາຊັບພະຍາກອນປ່າໄມ້ລະຫວ່າງບັນດາແຂວງຂອງ 2 ປະເທດທີ່ມີເສັ້ນຊາຍແດນຮ່ວມ; ພ້ອມທັງສືບຕໍ່ຈັດຕັ້ງປະຕິບັດບົດບັນທຶກຊ່ວຍຈຳໄລຍະ 2013 – 2017, ພ້ອມກັນຊຸກຍູ້ແລກປ່ຽນຂໍ້ມູນຂ່າວ ແລະ ບົດຮຽນເຊິ່ງກັນ ແລະ ກັນໃນວຽກງານປົກປັກຮັກສາ, ຄຸ້ມຄອງ ແລະ ຂຸດຄົ້ນຊັບພະຍາກອນປ່າໄມ້, ກໍຄືຕໍ່ສູ້ສະກັດກັ້ນການຂົນສົ່ງຊັບພະຍາກອນປ່າໄມ້ທີ່ຜິດກົດໝາຍ ຜ່ານຊາຍແດນ ລະຫວ່າງ 2 ປະເທດ.