ອັດ “ຊຸມມື້ຫວຽດນາມ ຢູ່ຍີ່ປຸ່ນປີ 2013“
(ຊຸມມື້ຫວຽດນາມຢູ່ຍີ່ປຸ່ນປີ 2013)
(vovworld) – ສະເຫຼີມສະຫຼອງ 40 ປີ ແຫ່ງວັນສ້າງຕັ້ງການພົວພັນທາງການທູດຫວຽດນາມ - ຍີ່ປຸ່ນ (21/9/1973-21/9/2013) ແລະ ໃນຂອບເຂດປີມິດຕະພາບຫວຽດນາມ - ຍີ່ປຸ່ນ 2013, ເຫດການ “ຊຸມມື້ຫວຽດນາມຢູ່ຍີ່ປຸ່ນປີ 2013“ ຖືກຈັດຕັ້ງໃນລະຫວ່າງວັນທີ 12 – 22/9, ຢູ່ 5 ນະຄອນຂອງຍີ່ປຸ່ນ. ນີ້ແມ່ນລາຍການໂຄສະນາສັງລວມຂອງຫວຽດນາມ, ທີ່ມີຂອບຂະໜາດໃຫຍ່ກວ່າໝູ່ນັບແຕ່ກ່ອນມາທີ່ໄດ້ຈັດຕັ້ງຢູ່ຕ່າງປະເທດ, ດ້ວຍການເຄື່ອນໄຫວການເມືອງ, ເສດຖະກິດ ແລະ ແລກປ່ຽນວັດທະນະທຳທີ່ອຸດົມສົມບຸນ, ຫຼາຍຮູບຫຼາຍແບບ. ບັນດາລາຍການສິລະປະ ວັດທະນະທຳທີ່ເປັນເອກະລັກສະເພາະ ໄດ້ແນະນຳໃຫ້ເພື່ອນມິດຍີ່ປຸ່ນໄດ້ຮັບຊາບກ່ຽວກັບພາບພົດປະເທດຫວຽດນາມທີ່ສວຍງາມ, ຂະຫຍັນຂັນເຂື່ອນ , ຊາວຫວຽດນາມມີຄວາມສະໜິດສະໜົມ, ກໍ່ຄືພື້ນຖານວັດທະນະທຳຫວຽດນາມທີ່ເຂັ້ມຄົ້ນໄປດ້ວຍສີສັນຊາດ ແລະ ພິເສດແມ່ນມີຫຼາຍຈຸດທີ່ຄ້າຍຄືກັນກັບຍີ່ປຸ່ນ. ການເຄື່ອນໄຫວພົບປະແລກປ່ຽນ ແລະ ກອງປະຊຸມສຳມະນາຕ່າງໆກໍ່ຖືກຈັດຕັ້ງ ດ້ວຍການເຂົ້າຮ່ວມຢ່າງຕັ້ງໜ້າຂອງບັນດານັກທຸລະກິດ ແລະ ຜູ້ຕາງໜ້າອຳນາດການປົກຄອງທ້ອງຖີ່ນ ຍີ່ປຸ່ນ ແລະ ຫວຽດນາມ “ຊຸມມື້ຫວຽດນາມຢູ່ຍີ່ປຸ່ນປີ 2013“ ໄດ້ດຳເນີນໄປສຳເລັດຜົນ, ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຊາວຍີ່ປຸ່ນນັບແສນຄົນ, ປະກອບສ່ວນເພີ່ມພູນຄູນສ້າງສາຍພົວພັນອັນດີງາມຫວຽດນາມ - ຍີ່ປຸ່ນ.