( vovworld ) – ພາຍຫຼັງເຮັດວຽກມາເປັນເວລາສອງວັນ, ຕອນບ່າຍວັນທີ 21/3, ກອງປະຊຸມພະນັກງານຜັນຂະຫຍາຍການປະຕິບັດມະຕິທີ 4 ຂອງຄະນະບໍລິຫານງານສູນກາງພັກຊຸດທີ 11 “ ບາງບັນຫາອັນຮີບດ່ວນກ່ຽວກັບການກໍ່ສ້າງພັກໃນປະຈຸບັນ ” ໂດຍຄະນະພັກນະຄອນໂຮ່ຈິມິນ ຈັດຕັ້ງໄດ້ອັດລົງ. ກ່າວຄຳເຫັນສະຫຼຸບກອງປະຊຸມ, ທ່ານ ເລແທງຫາຍ, ກຳມະການກົມການເມືອງ, ເລຂາຄະນະພັກນະຄອນໂຮ່ຈິມິນ ເນັ້ນໜັກວ່າ, ເພື່ອສ້າງການຫັນປ່ຽນຢ່າງແຮງກ່ຽວກັບວຽກງານກໍ່ສ້າງພັກ, ຄວນສືບຕໍ່ປະຕິບັດ 8 ໜ້າທີ່ໃນວຽກງານກໍ່ສ້າງພັກເຊິ່ງກອງປະຊຸມໃຫຍ່ຄັ້ງທີ 11 ຂອງພັກໄດ້ວາງອອກ.
“ ໃນ 4 ໝວດມາດຕະການນັ້ນ, ການຕຳນິ້ຕົນເອງ ແລະ ຕຳນິ້ໝູ່ຄູ່ ແມ່ນບັນຫາຈຸດສຸມ ແລະ ຕ້ອງປະຕິບັດແຕ່ຂັ້ນເຖິງລົງຮອດຂັ້ນພື້ນຖານ. ດ້ວຍຈິດໃຈນັ້ນ, ພວກເຮົາຊາບຊືມ ແລະ ຈະມີສະຕິຕື່ນຕົວໃນການປະຕິບັດມະຕິສູນກາງຄັ້ງນີ້, ພິເສດ, ການປະຕິບັດວຽກງານຕຳນິ້ຕົນເອງ ແລະ ຕຳນິ້ໝູ່ຄູ່ແມ່ນບັນຫາທີ່ຫຍຸ້ງຍາກແຕ່ເຊື່ອໝັ້ນວ່າພວກເຮົາຈະປະຕິບັດໄດ້ ”.