ທ່ານນາງລັດຖະມົນຕີການຕ່າງປະເທດ Sushma Swaraj (ພາບ: AFP/TTXVN)

ກ່າວຄຳເຫັນໃນວັນທີ 19 ກໍລະກົດ ຢູ່ເວທີປາໄສ “ການເຈລະຈາ ເດລີ” ປະຈຳປີຄັ້ງທີ 10. ທ່ານນາງລັດຖະມົນຕີການຕ່າງປະເທດ Sushma Swaraj ເນັ້ນໜັກວ່າ ບັນດາການປະຕິຮູບໃໝ່ຢູ່ ອິນເດຍ ໄດ້ເປີດບັນດາກາລະໂອກາດໃໝ່ໃຫ້ແກ່ຂົງເຂດການຄ້າ ແລະ ການລົງທຶນຢູ່ທີ່ນີ້. ດັ່ງນັ້ນ, ທ່ານນາງ Sushma Swaraj ຮຽກຮ້ອງບັນດາວິສາຫະກິດທີ່ມາຈາກບັນດາປະເທດ ອາຊຽນ ຍາດແຍ່ງບັນດາໂອກາດເພື່ອລົງທຶນຢູ່ປະເທດ ອາຊີໃຕ້ນີ້ ໃນບັນດາຂົງເຂດຄື: ພັດທະນາບັນດານະຄອນສະຫລາດ, ກໍ່ສ້າງທາງບົກ, ທາງຄວາມໄວສູງ, ທ່າກ່ຳປັ່ນ, ທາງລົດໄຟ, ລະບົບຕາໜ່າງໄຟຟ້າ ແລະ ພື້ນຖານໂຄງລ່າງຕົວເມືອງ.

        ເນື່ອງໃນໂອກາດນີ້, ທ່ານນາງລັດຖະມົນຕີການຕ່າງປະເທດ Sushma Swaraj ກໍ່ຢືນຢັນຄືນໃໝ່ວ່າ ປັດຈຸບັນ ອິນເດຍ ພ້ອມກັບ ຍີ່ປຸ່ນ, ຈີນ, ສ.ເກົາຫຼີ, ອົດສະຕາລີ ແລະ ນິວຊີແລນ ໄດ້ເຂົ້າຮ່ວມການເຈລະຈາສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ກັບ 10 ປະເທດ ອາຊຽນ.