(VOVWORLD) -ທິມບານເຕະແຫ່ງຊາດ ຂອງປະເທດນີ້ ຢາກຈັດການແຂ່ງຂັນບານເຕະມິດຕະພາບກັບ ທິມບານເຕະ ຫວຽດນາມ ໃນທ້າຍເດືອນ ພຶດສະພາ 2022.
 ທິມບານເຕະ ຫວຽດນາມ (ພາບ: VFF) |
ຕາມຂ່າວຈາກສະຫະພັນບານເຕະ ອິນເດຍ (AIFF), ທິມບານເຕະແຫ່ງຊາດ ຂອງປະເທດນີ້ ຢາກຈັດການແຂ່ງຂັນບານເຕະມິດຕະພາບກັບ ທິມບານເຕະ ຫວຽດນາມ ໃນທ້າຍເດືອນ ພຶດສະພາ 2022. ປັດຈຸບັນ, ທິມບານເຕະ ອິນເດຍ ຢືນອັນດັບທີ 106 ໃນຕາຕະລາງຈັດອັນດັບຂອງ ສະຫະພັນບານເຕະໂລກ (FIFA), ຫຼຸດຈາກທິມບານເຕະ ຫວຽດນາມ 10 ຂັ້ນ.
ໃນໄລຍະຜ່ານມາ, ທິມບານເຕະ ອິນເດຍ ຍັງບໍ່ເຄີຍແຂ່ງຂັນບານເຕະມິດຕະພາບກັບທິມບານ ເຕະ ຫວຽດນາມ ເທື່ອ. ເພາະສະນັ້ນ, ອິນເດຍ ຢາກທົດສອບຕົນເອງ ກໍຄື ກະກຽມໃຫ້ແກ່ການເຂົ້າຮ່ວມຮອບຄັດເລືອກຊີງລາງວັນ Asian Cup 2023.