(vovworld) – ວັນທີ 21/8, ສານອາຍາຢູ່ນະຄອນຫຼວງ ການໂຣ ໄດ້ຮັບຮູ້ໃບອຸທອນຂອງອະດີດປະທານາທິບໍດີ Hosni Mubarak ທີ່ກ່ຽວຂ້ອງເຖິງຄຳສັ່ງກັກຂັງຊົ່ວຄາວຫວ່າງແລ້ວນີ້ຂອງອົງການໄອຍະການ, ພ້ອມທັງອອກຄຳສັ່ງປ່ອຍຕົວອະດີດການນຳອາຍຸ 85 ປີນີ້. ຄຳຕັດສິນດັ່ງກ່າວໄດ້ຍົກອອກມາໂດຍອີງໃສ່ສາຍເຫດເວລາກັກຂັງທ່ານ Hosni Mubarak ເພື່ອທຳການສືບສວນໄດ້ເກີນກຳນົດເວລາຕາມກົດໝາຍ. ການສືບສວນນີ້ກ່ຽວຂ້ອງເຖິງຄຳກ່າວຫາຮັບສິນບົນນັບລ້ານປອນເງິນ ອີຢິບ ຂອງໜັງສືພິມລາຍວັນ “Al Ahram” ໂດຍລັດຄຸ້ມຄອງ. ກ່ອນໜ້ານັ້ນ, ວັນທີ 19/8, ທ່ານ Mubarak ກໍ່ໄດ້ຮັບປ່ອຍຕົວໃນກໍລະນີສໍ້ລາດບັງຫຼວງເງິນຂອງລັດທີ່ສະຫງວນໃຫ້ແກ່ການ ສ້ອມແປງບູລະນະທຳນຽບປະທານາທິບໍດີ. ແຕ່ອະດີດປະທານາທິບໍດີ Mubarak ອາດຈະຖືກກັກຂັງຕື່ມອີກ 48 ຊົ່ວໂມງເພື່ອສ້າງເງື່ອນໄຂໃຫ້ອົງການໄອຍະການພິຈາລະນາມີອຸທອນຄຳຕັດສິນດັ່ງກ່າວຂອງສານຫຼືບໍ່.