ຢູ່ກອງປະຊຸມລັດຖະມົນຕີສາທາລະນະສຸກ ພິເສດ ອາຊຽນ - ອາເມລິກາ ເຊິ່ງໄດ້ຈັດຂຶ້ນຢູ່ນອກກອງປະຊຸມລັດຖະມົນຕີສາທາລະນະສຸກ ອາຊຽນຄັ້ງທີ 15, ສອງຝ່າຍໄດ້ເຫັນດີເປັນເອກະພາບ ແລະ ຮັບຮອງເອົາ ຮ່າງມາດຖານ ອາຊຽນ - ອາເມລິກາ ແລະ ກໍ່ສ້າງແຜນການປະຕິບັດງານໄລຍະ 3 ປີ. ບັນດາລັດຖະມົນຕີສາທາລະນະສຸກ ອາຊຽນ ແລະ ອາເມລິກາ ໄດ້ເຫັນດີເປັນເອກະພາບຊຸກຍູ້ 3 ແງ່ມູມ, ໃນນັ້ນແງ່ມູມທຳອິດກ່ຽວຂ້ອງເຖິງການເພີ່ມທະວີລະບົບສາທາລະນະສຸກ ໃນບັນດາກໍລະນີສຸກເສີນ ເພື່ອແນໃສ່ເປົ້າໝາຍສະກັດກັ້ນໂລກລະບາດຮອບໃໝ່. ທ່ານ Gunadi ໃຫ້ຮູ້ວ່າ ຝ່າຍ ອາເມລິກາ ມີຄວາມສົນໃຈຕໍ່ການບຳລຸງສ້າງ ແລະ ພັດທະນາແຫຼ່ງຊັບພະຍາກອນມະນຸດ ໃຫ້ແກ່ ອາຊຽນ, ອາຊຽນ ແລະ ອາເມລິກາ ຈະມານະພະຍາຍາມຍົກສູງກຳລັງຄວາມສາມາດ, ເພີ່ມທະວີຈຳນວນ ພ້ອມທັງ ຮັບປະກັນຄຸນນະພາບຂອງບັນດາພະນັກງານສາທາລະນະສຸກ ເພື່ອຕອບສະໜອງຄວາມຕ້ອງການດ້ານສຸຂະພາບຂອງ ປະຊາຊົນ.