(vovworld) – ວັນທີ 12/10, ໜັງສືພິມ “New York Times” ໄດ້ຄັດຄຳເວົ້າຂອງບັນດາເຈົ້າໜ້າທີ່ອາເມລິກາ ໂດຍໃຫ້ຮູ້ວ່າ, ວໍຊິງຕັນ ພວມມີແຜນການປະຕິບັດບັນດາການລາດຕະເວນກອງທັບເຮືອ “ໄປມາຢ່າງເສລີ” ໃກ້ກັບບັນດາເກາະດອນໂດຍຈີນ ໃຫ້ຖົມກໍ່ສ້າງ ຢ່າງຜິດກົດໝາຍໃນເຂດພວມເກີດການຂັດແຍ້ງກັນຢູ່ທະເລຕາເວັນອອກ. ບັນດາການລາດຕະເວນຈະດຳເນີນໄປໃນຂອບເຂດ 12 ໄມທະເລຂອງເກາະໜ້ອຍສຸດ 1 ແຫ່ງໃນຈຳນວນເກາະເຊິ່ງຈີນ ໄດ້ຖົມດິນກໍ່ສ້າງຢ່າງຜິດກົດໝາຍ ຢູ່ບັນດາຫາດດອນຫີນ ຢູ່ໝູ່ເກາະເຈື່ອງຊາ ຂຶ້ນກັບອະທິປະໄຕຂອງຫວຽດນາມ.
ກ່ອນໜ້ານັ້ນ, ທ່ານລັດຖະມົນຕີວ່າການກະຊວງການຕ່າງປະເທດອາເມລິກາ Ashton Carter ຢືນຢັນວ່າ, ກອງທັບອາເມລິກາ ຈະສືບຕໍ່ປະຕິບັດບັນດາຖ້ຽວບິນ ແລະ ຈັດສົ່ງກໍ່າປັ່ນເດີນເຂົ້າບໍ່ວ່າບໍລິເວັນທະເລໃດໆ ເຊິ່ງກົດໝາຍສາກົນອະນຸຍາດ.