ອາເມລິກາ,ຟີລິບປິນເລີ່ມຊ້ອມຮົບຮ່ວມCARAT2016
ທະຫານເຮືອ ອາເມລິກາ ແລະ ຟີລິບປິນ ຊ້ອມຮົບຮ່ວມ
(ພາບ: vtc.vn)
(vovworld) – ຟີລິບປິນ ແລະ ອາເມລິກາ ເລີ່ມຊ້ອມຮົບຮ່ວມໃນລະຫວ່າງວັນທີ 6 – 10/6, ຢູ່ອ່າວ Subic, ພາກເໜືອ ຟີລິບປິນ. ທ່ານພົນເຮືອຕີ Charles Wiliams, ຜູ້ບັນຊາການກອງທະຫານພິເສດເລກທີ 73 ຂອງອາເມລິກາ, ໃຫ້ຮູ້ວ່າ: ການຊ້ອມຮົບຮ່ວມມືຝຶກແອບ ແລະ ກຽມພ້ອມຕໍ່ສູ້ບົນທະເລ (CARAT) ຄັ້ງທີ 22 ນີ້ອະນຸຍາດໃຫ້ທະຫານເຮືອ ຟີລິບປິນ ແລະ ອາເມລິກາ ພັດທະນາການພົວພັນແຂງແຮງກັບບັນດາກຳລັງຄູ່ຮ່ວມມືຂອງ ຟີລິບປິນ. ນອກຈາກອ່າວ Subic, ການຊ້ອມຮົບດັ່ງກ່າວຈະດຳເນີນໄປຢູ່ທະເລແຂວງ Palawan ຂຶ້ນກັບພາກຕາເວັນຕົກ ຟີລິບປິນ ແລະ ຢູ່ເຂດໃກ້ກັບທະເລ Sulu, ທາງພາກໃຕ້ ຟີລິບປິນ.
CARAT ຟີລິບປິນ ນອນໃນຂອບເຂດການຊ້ອມຮົມທີ່ກອງທັບ ອາເມລິກາ ດຳເນີນກັບ 9 ປະເທດຄູ່ຮ່ວມມືຢູ່ ອາຊີ ໃຕ້ ແລະ ອາຊີ ຕາເວັນອອກສ່ຽງໃຕ້, ເພື່ອແນໃສ່ແກ້ໄຂບັນດາບຸລິມະສິດຄວາມປອດໄພໃນການເດີນທະເລຮ່ວມ, ເພີ່ມທະວີການຮ່ວມມືບົນທະເລ ກໍ່ຄືຍົກສູງກຳລັງຄວາມສາມາດສົມທົບລະຫວ່າງບັນດາກຳລັງເຂົ້າຮ່ວມ. ຟີລິບປິນ ໄດ້ເຂົ້າຮ່ວມການຊ້ອມຮົບຮ່ວມ CARAT ນັບແຕ່ປີ 1995.