ອາເມລິກາຮຽກຮ້ອງຈີນຢຸດຕິບັນດາການເຄື່ອນໄຫວກໍ່ສ້າງເກາະທຽມຢ່າງຜິດກົດໝາຍຍຢູ່ທະເລຕາເວັນອອກ
ທ່ານລັດຖະມົນຕີວ່າການກະຊວງປ້ອງກັນປະເທດ Ashton Carter
ຕອນຮັບຮອງປະທານຄະນະພັກການທະຫານສູນກາງຈີນ
(ພາບ: AFP)
(vovworld) - ທີ່ການຕ້ອນຮັບທ່ານຮອງປະທານຄະນະພັກການທະຫານສູນກາງຈີນ ຟານຈາງລອງ, ທີ່ພວມຢ້ຽມຢາມ ວໍຊິງຕັນ ໃນວັນທີ 11/6, ທ່ານລັດຖະມົນຕີວ່າການກະຊວງປ້ອງກັນປະເທດອາເມລິກາ Ashton Carter ໄດ້ຮຽກຮ້ອງປັກກິງ ຢຸດຕິບັນດາການເຄື່ອນໄຫວກໍ່ສ້າງເກາະທຽມຢ່າງຜິດກົດໝາຍຢູ່ເຂດທະເລທີ່ພວມຂັດແຍ້ງກັນໃນທະເລຕາເວັນອອກ. ກ່ອນໜ້ານັ້ນ, ທ່ານລັດຖະມົນຕີ Ashton Carter ໄດ້ກ່າວຫາປັກກິງ ມີການກະທຳບໍ່ເໝາະສົມກັບບັນດາຫຼັກການສາກົນຢູ່ທະເລຕາເວັນອອກ.
ໃນວັນດຽວກັນ, ສື່ສານຟີລິບປິນ ໄດ້ຄັດສະເໜີຄຳເວົ້າຂອງທ່ານ Angel Alcala, ອະດີດລັດຖະມົນຕີວ່າການກະຊວງສິ່ງແວດລ້ອມຟີລິບປິນ, ທັງແມ່ນນັກວິທະຍາສາດທີ່ມີອິດທິພົນຊື່ສຽງຂອງສາກົນ, ໂດຍຖືວ່າ, ບັນດາການເຄື່ອນໄຫວກໍ່ສ້າງຂອງປັກກິງຢູ່ທະເລຕາເວັນອອກອາດຈະກໍ່ໃຫ້ເກີດການກະທົບທີ່ຫຍໍ້ທໍ້ເຖິງຊີວະນາໆພັນ, ສົ່ງຜົນສະທ້ອນເຖິງແຫຼ່ງຜົນປະໂຫຍດສິນໃນນຳ້ຢູ່ເຂດທະເລນີ້, ພິເສດແມ່ນສຳລັບຫວຽດນາມ ແລະ ຟີລິບປິນ.
ໃນວັນດຽວກັນ, ທ່ານລັດຖະມົນຕີວ່າການກະຊວງການຕ່າງປະເທດອົດສະຕາລີ Jukie Bishop ກໍ່ຢືນຢັນຄືນໃໝ່ຫຼັກໝັ້ນຂອງ Canberra ແມ່ນຄັດຄ້ານເລື່ອງຈີນອາດຈະປະກາດສ້າງຕັ້ງເຂດປ້ອງກັນອາກາດ (ADIZ) ຢູ່ທະເລຕາເວັນອອກ.