ຮັບມືກັບການປ່ຽນແປງຂອງດິນຟ້າອາກາດແມ່ນໜ້າທີ່ອັນດັບໜຶ່ງ
ເວທີປາໄສແຫ່ງຊາດຄັ້ງທີ 3 ກ່ຽວກັບການຫຼຸດຜ່ອນໄພທຳມະຊາດ
(ພາບ: Nguyễn Dân/TTXVN)
(vovworld) – ນີ້ແມ່ນຄຳຢັ້ງຢືນຂອງທ່ານຮອງນາຍົກລັດຖະມົນຕີ ຮ່ວາງຈູງຫາຍ ທີ່ເວທີປາໄສແຫ່ງຊາດຄັ້ງທີ 3 ກ່ຽວກັບການຫຼຸດຜ່ອນໄພທຳມະຊາດ ແລະ ຮັບມືກັບການປ່ຽນແປງຂອງດິນຟ້າອາກາດ ເຊິ່ງຈັດຕັ້ງຢູ່ ຮ່າໂນ້ຍໃນວັນທີ 10/10. ທ່ານຮອງນາຍົກລັດຖະມົນຕີ ໄດ້ເນັ້ນໜັກວ່າ ການຜັນແປຂອງດິນຟ້າອາກາດໄດ້ມີການກະທົບຢ່າງວ່ອງໄວ ແລະ ແຮງເຖິງຫວຽດນາມ, ອັນໄດ້ກໍ່ຄວາມເສຍຫາຍທາງດ້ານຊີວິດ ແລະ ຊັບສົມບັດໃຫ້ແກ່ປະຊາຊົນ. ໂດຍຮັບຮູ້ໄດ້ການກະທົບຢ່າງຮ້າຍແຮງຂອງການປ່ຽນແປງດິນຢ້າອາກາດເຖິງການພັດທະນາຢ່າງໝັ້ນຄົງຂອງປະເທດ. ຫວຽດນາມ ໄດ້ເຂົ້າຮ່ວມ ແລະເຊັນສົນທິສັນຍາແມ່ກ່ຽວກັບການປ່ຽນແປງຂອງດິນຟ້າອາກາດ ແລະ ອະນຸສັນຍາ ກິໂອໂຕ ຂອງສະຫະປະຊາຊາດ ໂດຍໄວ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ຕີລາຄາສູງການໜູນຊ່ວຍຂອງສາກົນໃນການຍົກສູງຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ, ອັນໄດ້ນຳມາເຊິ່ງຜົນປະໂຫຍດຢ່າງແທ້ຈິງໃຫ້ແກ່ປະຊາຄົມ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຊີ້ແຈ້ງວ່າ:
“ຫວຽດນາມ ຖືການຮັບມືກັບການປ່ຽນແປງຂອງດິນຟ້າອາກາດ, ແລະ ການປ້ອງກັນ ຕ້ານໄພທຳມະຊາດແມ່ນຄວາມໝາຍເປັນຕາຍ ແລະ ແມ່ນໜຶ່ງໃນບັນດາປັດໃຈຕັດສິນການພັດທະນາຢ່າງໝັ້ນຄົງ ດັ່ງນັ້ນໄດ້ສ້າງບັນດາກົນໄກ, ນະໂຍບາຍກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ປ້ອງກັນ ແລະ ຕ້ານໄພທຳມະຊາດ ເທື່ອລະກ້າວ, ຍົກສູງວຽກງານໂຄສະນາ, ສ້າງຄວາມສາມາດປ້ອງກັນ, ຕ້ານຢູ່ກັບທີ່“