(ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸ໋ກ
ຕ້ອນຮັບຄະນະຜູ້ແທນລາວ)
(vovworld) - ຕອນບ່າຍວັນທີ 18/07, ຢູ່ຮ່າໂນ້ຍ, ທີ່ການຕ້ອນຮັບຄະນະຜູ້ແທນລາວ ໂດຍທ່ານ ທອງລຸນ ສີສຸລິດ, ກຳມະການກົມການເມືອງ, ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດລາວ ນຳໜ້າ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸ໋ກ ໄດ້ສະແດງຄວາມພາກພູມໃຈຕໍ່ໜ້າບັນດາຜົນງານດ້ານເສດຖະກິດ, ສັງຄົມ ເຊິ່ງລັດ ແລະ ປະຊາຊົນລາວ ບັນລຸໄດ້ໃນໄລຍະຜ່ານມາ. ທ່ານຮອງນາຍົກລັດຖະມົນຕີ ໄດ້ຕີລາຄາສູງ ແລະ ເຊື່ອໝັ້ນວ່າ ການຢ້ຽມຢາມ ແລະ ເຮັດວຽກຂອງຄະນະຜູ້ແທນຄັ້ງນີ້ ຈະປະກອບສ່ວນຮັດແໜ້ນຄວາມສາມັກຄີ, ການຮ່ວມມືລະຫວ່າງ 2 ປະເທດຫວຽດນາມ - ລາວ ຍິ່ງກວ່າອີກ. ສ່ວນທ່ານ ທອງລຸນ ສີສຸລິດ ກໍຢືນຢັນວ່າ ພັກ, ລັດ, ລັດຖະບານ ແລະ ປະຊາຊົນລາວ ບັນດາເຜົ່າຈະສືບຕໍ່ພ້ອມກັບພັກ, ລັດ, ລັດຖະບານ ແລະ ປະຊາຊົນຫວຽດນາມ ເພີ່ມພູນຄຸນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດຫວຽດນາມ - ລາວ ຢ່າງບໍ່ຢຸດຢັ້ງ. ເນື່ອງໃນໂອກາດນີ້, ຮອງນາຍົກລັດຖະມົນຕີ 2 ທ່ານ ໄດ້ພ້ອມກັນແລກປ່ຽນກ່ຽວກັບການພົວພັນ 2 ຝ່າຍ ແລະ ບັນດາບັນຫາສາກົນເຊິ່ງຕ່າງຝ່າຍຕ່າງມີຄວາມສົນໃຈ.