ຮອງນາຍົກລັດຖະມົນຕີ ຫງວຽນຊວນຟຸກໃຫ້ ການຕ້ອນຮັບຄະນະ ຜູ້ແທນແຂວງຫຼວງພະບາງ
(ພາບ: Chinhphu.vn) )
(vovworld)– ຕອນບ່າຍວັນທີ 27/12, ທີ່ການຕ້ອນຮັບຄະນະຜູ້ແທນແຂວງຫຼວງພະບາງ ໂດຍທ່ານດຣ.ຄຳແພງ ໄຊສົມແພງ ເລຂາພັກແຂວງ, ເຈົ້າແຂວງຫຼວງພະບາງ ນຳໜ້າພວມຢູ່ຢ້ຽມຢາມ ແລະ ເຮັດວຽກຢູ່ແຂວງຮ່ວາບິ່ງນັ້ນ, ທ່ານຮອງນາຍົກລັດຖະມົນຕີຫງວຽນຊວນຟຸກ ເນັ້ນໜັກວ່າ: ແຜນນະໂຍບາຍຂອງການນຳສອງພັກ, ສອງລັດຫວຽດນາມ ແລະ ລາວແມ່ນຈະສືບຕໍ່ຮັດແໜ້ນສາຍພົວພັນມິດຕະພາບລະຫວ່າງສອງປະເທດໃນທຸກຂົງເຂດ ເພື່ອແນໃສ່ເຮັດໃຫ້ສາຍພົວພັນແບບພິເສດ ແລະ ນ້ຳໃຈມິດຕະພາບອັນເປັນມູນເຊື້ອລະຫວ່າງສອງປະເທດເລິກເຊິ່ງ ແລະ ມີປະສິດທິຜົນກ່ວາອີກ. ສະນັ້ນ, ເລື່ອງບັນດາແຂວງຂອງສອງປະເທດປະຕິບັດການຢ້ຽມຢາມ ແລະ ເຊັນບົດບັນທຶກຊ່ວຍຈຳດ້ວຍບັນດາເນື້ອໃນເພື່ອແນໃສ່ເພີ່ມທະວີການພັນຮ່ວມມືລະຫວ່າງສອງແຂວງແມ່ນຈຳເປັນທີ່ສຸດ. ທ່ານນາຍົກລັດຖະມົນຕີຫງວຽນຊວນຟຸກ ຖືວ່າ: ແຕ່ລະປີ, ສອງແຂວງຄວນຈັດການສຳຫຼວດ, ຕີລາຄາໝາກຜົນການຮ່ວມມື, ຜ່ານນັ້ນຖອດຖອນບົດຮຽນເພື່ອຈັດຕັ້ງປະຕິບັດໃນຊຸມປີຕໍ່ໄປໃຫ້ດີກ່ວາອີກ./.