ຮອງນາຍົກລັດຖະມົນຕີເຈືອງຮ່ວາບີງ
ເຮັດວຽກຢູ່ແຂວງ ກວາງນາມ
(ພາບ: ເຮືອຊວຽນຮີງ)
(vovworld) - ຕອນເຊົ້າວັນທີ 10/07, ທ່ານຮອງນາຍົກລັດຖະມົນຕີ ຫວຽດນາມ ເຈືອງຮ່ວາບີງ ພ້ອມກັບຄະນະປະຕິບັດງານຂອງບັນດາກະຊວງ, ຂະແໜງການສູນກາງເຮັດວຽກກັບການນຳແຂວງ ກວາງນາມ ກ່ຽວກັບສະພາບເສດຖະກິດ - ສັງຄົມໃນ 6 ເດືອນຕົ້ນຂອງປີ 2016. ເສດຖະກິດ - ສັງຄົມຂອງແຂວງ ກວາງນາມ ໃນ 6 ເດືອນຕົ້ນປີ 2016 ບັນລຸລະດັບເຕີບໂຕສູງພໍສົມຄວນ. ກົນໄກເສດຖະກິດສືບຕໍ່ຫັນປ່ຽນແຮງ ຕາມທິດເພີ່ມອັດຕາສ່ວນອຸດສາຫະກຳ, ການບໍລິການ; ມູນຄ່າການຜະລິດຂະແໜງອຸດສາຫະກຳບັນລຸ 27.800 ຕື້ດົ່ງ. ແຂວງຮັບຮູ້, ປະຕິບັດລະບອບອຸດໝູນໃຫ້ຜູ້ມີຄຸນງາມຄວາມດີຕໍ່ການປະຕິວັດກ່ວາ 11.500 ຄົນ. ກ່າວຄຳເຫັນສະຫລຸບການເຮັດວຽກ, ທ່ານຮອງນາຍົກລັດຖະມົນຕີ ເຈືອງຮ່ວາບີງ ຖືວ່າ: ແຂວງ ກວາງນາມ ມີທ່າແຮງໃຫຍ່ ແມ່ນນອນໃນເຂດເສດຖະກິດຈຸດສຸມຂອງພາກກາງ, ພື້ນຖານໂຄງລ່າງໄດ້ເຊື່ອມຕໍ່ກັບບັນດາທ້ອງຖິ່ນໃກ້ຄຽງ ດັ່ງນັ້ນມີກາລະໂອກາດຫລາຍຢ່າງເພື່ອພັດທະນາ.