ຮ່າໂນ້ຍຖືເປັນສຳຄັນການປະຕິບັດວຽກງານຂົນຂວາຍປະຊາຊົນຢ່າງແທດຈິງ,ມີປະສິດທິຜົນ
ທີ່ການເຮັດວຽກ (ພາບ:hanoimoi.com.vn)
(vovworld) - ຕອນບ່າຍ ວັນທີ 16/8, ຄະນະປະຕິບັດງານ ຂອງຄະນະຂົນຂວາຍສູນກາງ ໂດຍ ທ່ານ ນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນສູນກາງ, ເປັນຫົວໜ້າຄະນະ, ໄດ້ມີການເຮັດວຽກ ກັບຄະນະປະຈຳຄະນະພັກນະຄອນຮ່າໂນ້ຍ ກ່ຽວກັບວຽກງານຂົນຂວາຍປະຊາຊົນໃນບໍລິເວນເຂດ. ຜ່ານການປຶກສາຫາລື, ບັນດາຄວາມເຫັນ ທີ່ການເຮັດວຽກ ຕີລາຄາວ່າ ຮ່າໂນ້ຍ ໃນຫຼາຍປີມານີ້ເປັນແບບຢ່າງ ຂອງທົ່ວປະເທດ ໃນວຽກງານຂົນຂວາຍປະຊາຊົນ ແລະ ການກໍ່ສ້າງຊົນນະບົດໃໝ່. ທ່ານ ນາງ ເຈືອງທິມາຍ ຕີລາຄາສູງ ແລະ ຮັບຮູ້ຄວາມ ມານະພະຍາຍາມ ຂອງຄະນະພັກນະຄອນຮ່າໂນ້ຍ ໃນການຊີ້ນຳປະຕິບັດ ວຽກງານທີ່ສຳຄັນສອງຢ່າງນີ້. ທ່ານ ນາງ ເຈືອງທິມາຍ ກໍ່ຖືວ່າ ວຽກງານຂົນຂວາຍປະຊາຊົນ ຂອງນະຄອນຫຼວງຮ່າໂນ້ຍ ຈຳເປັນຕ້ອງຕິດແທດຕົວຈິງກວ່າ, ໃນການປະຕິບັດລະບຽບການປະຊາທິປະໄຕ ຂັ້ນຮາກຖານຫຼີກລ້ຽງແບບຮູບການ, ສ້າງຄວາມເຫັນດີເຫັນພ້ອມຢ່າງສູງໃນໝູ່ປະຊາຊົນ.