ຖ້ຽວລົດໄຟບໍ່ມີຄົນຂັບທຳອິດຂອງ ເຊັກໂກ ໄດ້ເລີ່ມນຳເຂົ້າໃຊ້ງານໃນວັນທີ 04 ເມສາ ບົນເສັ້ນທາງແຕ່ Kopidlno ໄປຍັງ Dolni Bousov, ເຂດ Mlada Boleslav. ນີ້ແມ່ນຂີດໝາຍປະຫວັດສາດ ເມື່ອເປັນລົດໄຟໂດຍສານບໍ່ມີຄົນຂັບທຳອິດຂອງ ເອີຣົບ.

        ກ່ອນເປີດຕົວຕໍ່ມວນຊົນ, ຂະບວນລົດໄຟດັ່ງກ່າວໄດ້ປະຕິບັດການທົດລອງຢ່າງລອບຄອບຖີ່ຖ້ວນເປັນເວລາ 01 ປີ ໃນໄລຍະທາງດັ່ງກ່າວ ເພື່ອຮັບປະກັນວ່າຕອບສະໜອງໄດ້ບັນດາມາດຕະຖານຮັບປະກັນຄວາມປອດໄພສູງສຸດແລ້ວ.

        ລົດໄຟດັ່ງກ່າວໄດ້ປະກອບມີຫຼາຍພາກສ່ວນ, ໃນນັ້ນ ພາກສ່ວນຕົ້ນຕໍແມ່ນລະບົບແຊນເຊີຕິດຕາມສະພາບແວດລ້ອມຢູ່ອ້ອມລົດໄຟ. ນອກຈາກນັ້ນ, ຍັງມີລະບົບຄອມພິວເຕີແກ້ໄຂຂໍ້ມູນທີ່ສະສົມໄດ້ຈາກລະບົບແຊນເຊີດັ່ງກ່າວ ແລະ ດັດປັບລະດັບຄວາມໄວເມື່ອຈຳເປັນ.

        ຄາດວ່າ, ຖ້ຽວລົດໄຟໂດຍສານບໍ່ມີຄົນຂັບນີ້ ຈະໄດ້ນຳເຂົ້າເຄື່ອນໄຫວຢູ່ ສ.ເຊັກໂກ ໃນປີ 2031.

ຫາຍດັງ - ນັກຂ່າວ VOV ປະຈຳ ເຊັກໂກ