(ພາບປະກອບ)
(vovworld) – ວັນທີ 24/8, ຢູ່ແຂວງ Kohkong ປະເທດ ກຳປູເຈຍ, ບັນດາເຈົ້າໜ້າທີ່ຂະແໜງການທ່ອງທ່ຽວປະເທດເຈົ້າພາບ ພ້ອມກັບບັນດາຄູ່ຮ່ວມມື ຫວຽດນາມ ແລະ ໄທ ເຫັນດີເປັນເອກະພາບກໍ່ສ້າງລາຍການທ່ອງທ່ຽວທະເລໂດຍ, ເຊື່ອມຕໍ່ບັນດາສະຖານທີ່ທ່ອງທ່ຽວທະເລຢູ່ພາກໃຕ້ 3 ປະເທດ, ເພື່ອແນໃສ່ຍົກສູງປະສິດທິຜົນການດຶງດູດແຂກທ່ອງທ່ຽວສາກົນມາທ່ຽວເຂດທະເລທີ່ມີຄວາມສາມາດບົ່ມຊ້ອນດ້ານການທ່ອງທ່ຽວ ຂອງ 2 ປະເທດຫລາຍຢ່າງ. ທີ່ກອງປະຊຸມ, ເຈົ້າໜ້າທີ່ການທ່ອງທ່ຽວ 2 ປະເທດ ໄດ້ເຫັນດີເປັນເອກະພາບເປີດບັນດາ ລາຍການ ທ່ອງທ່ຽວ ລວມມີ: ລາຍການ ທີ 1 ຈາກ ບາງກອກ - ຣະຍອງ – ຕຣາດ ຮອດ ກອກກົງ - ບ໋ອກກໍ ເປີແຣ້ກ ຊີຫານຸກ - ບ໋ອກກໍ ກຳປ໋ອດ - ກີ໋ບ - ຟູກ໋ວກ - ນະຄອນ ໂຮ່ຈີມິນ. ລາຍການ ທີ 2 ບາງກອກ - ຣະຍອງ – ຕຣາດ - ກອກກົງ - ເປີແຣ້ກ ຊີຫານຸກ - ຊຽມຣຽບ. ລາຍການ ທີ 3 ນະຄອນ ໂຮ່ຈີມິນ - ຟູກ໋ວກ - ກີ໋ບ - ກຳປ໋ອດ ບ໋ອກກໍ - ຕາແກວ - ພະມົມເປັນ - ຊຽມຣຽບ.
ຄາດວ່າ, ກອງປະຊຸມພັດທະນາແລວທ່ອງທ່ຽວທາງພາກໃຕ້ຄັ້ງທີ 3 ຈະຖືກຈັດຕັ້ງໃນປີ 2016 ຢູ່ເກາະ ຟູກ໋ວກຂອງ ຫວຽດນາມ.