ຜູຸ້ແທນເຂົ້າຮ່ວມກອງປະຊຸມ
|
(vovworld) – ວາລະເປີດກອງປະຊຸມດຳເນີນໄປໃນຕອນເຊົ້າ ວັນທີ 09/2015, ຢູ່ນະຄອນຫຼວງ Lima ປະເທດ ເປຣູ, ດ້ວຍເນື້ອໃນ ສຸມໃສ່ປຶກສາຫາລື ລະດັບເຕີບໂຕເສດຖະກິດໂລກ, ພິເສດແມ່ນໃນສະພາບເສດຖະກິດຈີນມີ ການຜັນແປຫຼາຍຢ່າງ. ກໍ່ຄືຢູ່ທີ່ກອງປະຊຸມນີ້, ບັນດາຜູ້ແທນທີ່ເຂົ້າຮ່ວມຈະໄດ້ຮັບຟັງບົດລາຍງານຂອງອົງການຮ່ວມມື ແລະ ພັດທະນາເສດຖະກິດ(OECD)ກ່ຽວກັບຂັ້ນຕອນການໝູນໃຊ້ບັນດາຂໍ້ກຳນົດກ່ຽວກັບພາສີສາກົນຢ່າງແໜ້ນແຟ້ນກວ່າ ເພື່ອແນໃສ່ສະກັດກັ້ນສະພາບ ບັນດາບໍລິສັດຂອງຫຼາຍປະເທດໜີພາສີ.
ກ່ອນທີ່ຈະເຂົ້າຮ່ວມກອງປະຊຸມ G20, ລັດຖະມົນຕີວ່າການກະຊວງການເງິນຍີ່ປຸ່ນ, ຜູ້ວ່າການບັນດາທະນາຄານສູນກາງຂອງ 3 ປະເທດ ຍີ່ປຸ່ນ, ຈີນ ແລະ ສ.ເກົາຫຼີ ໄດ້ມີການພົບປະ 3 ຝ່າຍ. ບັນດາປະເທດໄດ້ໃຫ້ຄຳໝັ້ນສັນຍາສືບຕໍ່ປັບປຸງບັນດາຊ່ອງແລກປ່ຽນຂໍ້ມູນຂ່າວສານ, ພ້ອມທັງປະຕິບັດບັນດານະໂຍບາຍເສດຖະກິດມະຫາພາກໃຫ້ມີປະສິດທິຜົນ ແລະ ທັນການ, ຜ່ານນັ້ນຊ່ວຍໃຫ້ການເຕີບໂຕເສດຖະກິດຂອງແຕ່ລະປະເທດ ແລະ ພາກພື້ນໄປຖືກທິດ. 3 ປະເທດກໍ່ມີຄວາມເຫັນດີເປັນເອກະພາບສືບຕໍ່ປັບປຸງບັນດາການປະຕິຮູບທີ່ມີລັກສະນະໂຄງປະກອບ ເພື່ອແນໃສ່ບັນລຸການເຕີບໂຕທີ່ໝັ້ນຄົງ, ດຸ່ນດ່ຽງ.