(vovworld) - ວັນທີ 21/9, ຢູ່ຮ່າໂນ້ຍ, ໂຮງພິມຈຳໜ່າຍສຶກສາຫວຽດນາມ ໄດ້ເປີດສະຫຼອງສູນເຕັກໂນໂລຊີສຶກສາ. ສູນເຕັກໂນໂລຊີສຶກສາມີໜ້າທີ່ຄົ້ນຄວ້າ, ອອກແບບຊຸດປື້ມແບບຮຽນເຕັກໂນໂລຊີສຶກສາ, ປະຕິບັດທົດລອງ ແລະ ມອບໂອນເຕັກໂນໂລຊີການສຶກສາ, ຮັບໃຊ້ປ່ຽນໃໝ່ພື້ນຖານ ແລະ ສຳລັດການສຶກສາທົ່ວໄປ ຕາມການພັດທະນາຂອງສັງຄົມທັນສະໄໝ. ກ່າວຄຳເຫັນທີ່ພິທີ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງຫວຽດນາມ Pham Vu Luan ກ່າວວ່າ.
“ຫວັງວ່າສູນເຕັກໂນໂລຊີສຶກສາ ຈະປະກອບສ່ວນອັນໃຫຍ່ຫຼວງເຂົ້າໃນແຫຼ່ງກຳລັງພູມປັນຍາລວມຂອງປະເທດຊາດ ໃນການປ່ຽນໃໝ່ພື້ນຖານການສຶກສາບຳລຸງສ້າງໃນປະຈຸບັນຢ່າງຮອບດ້ານ. ຂ້າພະເຈົ້າພາກພູມໃຈເມື່ອເຫັນວ່າ ດ້ວຍລາຍການພາສາຫວຽດ, ເຕັກໂນໂລຊີສຶກສາໄດ້ຜັນຂະຫຍາຍ ບໍ່ພຽງແຕ່ຢູ່ເຂດຕົວເມືອງ, ເຂດທີ່ມີເງື່ອນໄຂສະດວກເທົ່ານັ້ນ ຫາກພວມຜັນຂະຫຍາຍຢູ່ບັນດາເຂດທີ່ຫຍຸ້ງຍາກໂດຍສະເພາະນັກສຶກສາຊົນເຜົ່າ, ນັກຮຽນທຸກຍາກ, ບັນດານັກຮຽນຢູ່ເຂດຫ່າງໄກຊອກຫຼີກ, ເຂດຊາຍແດນ, ເຂດທະເລໝູ່ເກາະອີກດ້ວຍ. ຂ້າພະເຈົ້າສະເໜີວ່າ ບໍ່ພຽງແຕ່ຢຸດຢູ່ໃນລະດັບພາສາຫວຽດ ແລະ ລະດັບປະຖົມສຶກສາເທົ່ານັ້ນ ຫາກຍັງອີງບົນພື້ນຖານຂອງວຽກງານນັ້ນ ສູນຈະເປີດກວ້າງໄປສູ່ຂັ້ນສຶກສາອື່ນ, ບັນດາວິຊາຮຽນອື່ນໃນທົ່ວລະບົບຫຼັກສູດນ, ລະບົບການສຶກສາຂອງຫວຽດນາມ”.