ເປີດສະຫຼອງສູນເຕັກໂນໂລຢີຫວຽດນາມ-ສ.ເກົາຫຼີ
ທ່ານ ຫງວຽນຖ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ
ກ່າວຄຳເຫັນທີ່ພິທີ
|
(vovworld)- ພິທີເປີດ ນຳສູນເຕັກໂນໂລຢີຫວຽດນາມ-ສ.ເກົາຫຼີເຂົ້າເຄື່ອນໄຫວ ຖືກຈັດຂຶ້ນໃນວັນທີ 14/11 ຢູ່ນະຄອນເກີນເທີ, ໂຄງການມີຍອດເງິນລົງທຶນກວ່າ 20 ລ້ານ USD , ໄດ້ຮັບການກໍ່ສ້າງເພື່ອສ້າງຕັ້ງກົນໄກຮ່ວມມືພັດທະນາອຸດສາຫະກຳລະຫວ່າງອົງການຄຸ້ມຄອງລັດກັບບັນດາສະຖາບັນ, ໂຮງຮຽນ, ຮາກຖານ ຄົ້ນຄ້ວາ ກໍຄືປະຊາຄົມວິສາຫະກິດ ແລະ ບັນດາສ່ວນບຸກຄົນ. ກ່າວຄຳເຫັນທີ່ພິທີ, ທ່ານ ຫງວຽນຖ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຢືນຢັນວ່າ :
“ ສູນເຕັກໂນໂລຢີຫວຽດນາມ-ສ.ເກົາຫຼີ ຖືກຕັ້ງຢູ່ນະຄອນເກີນເທີ ຊຶ່ງແມ່ນສູນກາງສະບຽງອາຫານ, ຜະລິດຕະພັນກະເສດໃຫຍ່ກວ່າໝູ່ຂອງຫວຽດນາມ, ແນ່ນອນວ່າ ຈະຍົດສູງມູນຄ່າທາງດ້ານກະສີກຳຫວຽດນາມ, ປະກອບສ່ວນຍົກສູງລາຍຮັບໃຫ້ແກ່ປະຊາຊົນເຂດທົ່ງພຽງແມ່ນ້ຳຂອງ ທາງພາກໃຕ້ຫວຽດນາມ, ພ້ອມທັງສ້າງໂອກາດໃໝ່ໃຫ້ແກ່ບັນດາສະຖາບັນ, ໂຮງຮຽນ, ຮາກຖານ ຄົ້ນຄ້ວາ ກໍຄືປະຊາຄົມວິສາຫະກິດ ແລະ ບັນດາສ່ວນບຸກຄົນຂອງ ສ.ເກົາຫຼີຮ່ວມມືກັບຫວຽດນາມເພື່ອພ້ອມກັນພັດທະນາ ”