(ພາບປະກອບ)
(vovworld) - ເນື່ອງໃນໂອກາດສະເຫຼີມສະຫຼອງ 66 ປີແຫ່ງວັນທະຫານເສຍອົງຄະ ແລະ ນັກຮົບທີ່ເສຍສະຫຼະຊີວິດເພື່ອຊາດ (27/07/1947 – 27/07/2013), ຕອນເຊົ້າວັນທີ 20/07, ຢູ່ສຸສານນັກຮົບທີ່ໄດ້ເສຍສະຫຼະຊີວິດເພື່ອຊາດເມືອງ ຊາໄທ່, ຄະນະກຳມະການປະຊາຊົນແຂວງກອນຕູມ ແລະ ອຳນາດການປົກຄອງເມືອງຊາໄທ່ ໄດ້ຈັດພິທີໄຫວ້ອາໄລບັນດານັກຮົບທີ່ໄດ້ເສຍສະຫຼະຊີວິດເພື່ອຊາດ. ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ເຈີນມິນຮຸ່ງ ໄດ້ເຂົ້າຮ່ວມພິທີ. ພາຍຫຼັງພິທີໄຫວ້ອາໄລ, ບັນດາຜູ້ແທນໄດ້ຕັດແທບຜ້າເປີດສະຫຼອງກິດຈະກຳແຜ່ນສີລາອາໄລຫານັກຮົບທີ່ເສຍສະຫຼະຊີວິດເພື່ອຊາດຮ່າໂນ້ຍ 77 ຄົນ, ທີ່ໄດ້ເສຍສະຫຼະຊີວິດເມື່ອປີ 1968 ຢູ່ຕາແສງ ຢາຊີແອ, ເມືອງຊາໄທ່, ຂຶ້ນກັບສະໜາມຮົບທິດເໜືອໄຕງວຽນ. ແຜ່ນສີລາໄດ້ເຮັດດ້ວຍຫິນແກ້ວ ສູງ 2,8 ມ, ກວ້າງ 1,85 ມ, ມີມຸນຄ່າ 100 ລ້ານດົງ, ໃນນັ້ນໂຮງຮຽນວິທະຍາໄລວິທະຍຸ - ໂທລະພາບ 2, ສັງກັດວິທະຍຸກະຈາຍສຽງຫວຽດນາມ ສະໜັບສະໜູນກວ່າ 30 ລ້ານດົງ. ເນື່ອງໃນໂອກາດນີ້, ວິທະຍຸກະຈາຍສຽງຫວຽດນາມ ໄດ້ມອບເຮືອນແຫ່ງສາຍຈິດມິດໃຈຫຼັງໜື່ງ ໃຫ້ແກ່ຄອບຄົວນະໂຍບາຍຂອງເມືອງຊາໄທ່.