ເພີ່ມທະວີການຮ່ວມມືມິດຕະພາບລະຫວ່າງແຂວງຮ່ວາບີງແລະຫົວພັນ
(ພາບ: baohoabinh.com)
(vovworld) - ຕອນບ່າຍວັນທີ 31/01, ຄະນະຜູ້ແທນຂັ້ນສູງແຂວງ ຫົວພັນ ຂອງ ລາວ ໂດຍທ່ານນາງ ແພງ ກັນຍາທິມ ຮອງເລຂາພັກແຂວງ, ຮອງເຈົ້າແຂວງ ແຂວງຫົວພັນ ເປັນຫົວໜ້າຄະນະ ໄດ້ມາຢ້ຽມຢາມ ແລະ ເຮັດວຽກຢູ່ແຂວງ ຮ່ວາບີງ. ທີ່ການເຮັດວຽກ, ການນຳ 2 ແຂວງມີຄວາມປິຕິຊົມຊື່ນໄດ້ແຈ້ງໃຫ້ກັນຊາບໝາກຜົນກອງປະຊຸມໃຫຍ່ຄັ້ງທີ 12 ຂອງພັກກອມມູນິດ ຫວຽດນາມ ແລະ ກອງປະຊຸມໃຫຍ່ຄັ້ງທີ 8 ຂອງພັກປະຊາຊົນປະຕິວັດ ລາວ ແລະ ລາຍງານສະພາບການພັດທະນາເສດຖະກິດ, ສັງຄົມຂອງ 2 ແຂວງໃນປີ 2015. 2 ແຂວງເຫັນດີເປັນເອກະສັນເພີ່ມທະວີການພົວພັນມິດຕະພາບ ແລະ ການຮ່ວມມືບົນພື້ນຖານເຄົາລົບເຊິ່ງກັນ ແລະ ກັນ, ສະເໝີພາບຕ່າງຝ່າຍຕ່າງມີຜົນປະໂຫຍດ, ສອດຄ່ອງກັບກົດໝາຍ, ນະໂຍບາຍຂອງ ຫວຽດນາມ ແລະ ລາວ, ເໝາະສົມກັບບັນດາເງື່ອນໄຂສາກົນ ຊຶ່ງໄດ້ລົງນາມລະຫວ່າງ 2 ປະເທດ.