ທ່ານ Humberto Schiavoni, ແລະ ທ່ານ ອວງຈູລືວ
(ພາບ: ສຳນັກຂ່າວສານ ຫວຽດນາມ)
|
(vovworld) – ຕອນບ່າຍວັນທີ 17/2, ຢູ່ຮ່າໂນ້ຍ, ທ່ານ ອວງຈູລືວ, ຮອງປະທານສະພາແຫ່ງຊາດ ໄດ້ຕ້ອນຮັບຄະນະຜູ້ແທນພັກສະເໜີ ສາທາລະນະ (PRO) ກຳອຳນາດຂອງອາກຊັງຕິນ, ໂດຍທ່ານ Humberto Schiavoni, ປະທານພັກນຳໜ້າ, ທີ່ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານຮອງປະທານສະພາແຫ່ງຊາດ ອວງຈູລືວ ປາດຖະໜາວ່າ: ໄລຍະຈະມາເຖິງ, ການພົວພັນລະຫວ່າງ 2 ພັກ, 2 ອົງການນິຕິບັນຍັດລະຫວ່າງ 2 ປະເທດຈະໄດ້ຮັບການຊຸກຍູ້, ເໝາະສົມກັບການພົວພັນທາງດ້ານການເມືອງ, ເສດຖະກິດ, ການຄ້າລະຫວ່າງ 2 ຝ່າຍ. ທ່ານຮອງປະທານສະພາແຫ່ງຊາດ ເນັ້ນໜັກວ່າ: ບັນດາບົດຮຽນໃນການສ້າງ ແລະ ປະຕິຮູບກົດໝາຍຂອງສະພາແຫ່ງຊາດ ອາກຊັງຕິນ ແມ່ນບັນດາຂໍ້ມູນຂ່າວທີ່ມີປະໂຫຍດສຳລັບສະພາແຫ່ງຊາດ ຫວຽດນາມ, ພ້ອມທັງເຊື່ອໝັ້ນວ່າ ບັນດາການຢ້ຽມຢາມ, ການແລກປ່ຽນຄະນະລະຫວ່າງບັນດາສະມາຊິກສະພາແຫ່ງຊາດ, ອົງການສະພາແຫ່ງຊາດຂອງ 2 ປະເທດ ຈະປະກອບສ່ວນປັບປຸງການພົວພັນມິດຕະພາບ, ການຮ່ວມມືລະຫວ່າງ ຫວຽດນາມ ແລະ ອາກຊັງຕິນ. ສ່ວນທ່ານ Humberto Schiavoni, ປະທານພັກສະເໜີ ສາທາລະນະກຳອຳນາດ ຢັ້ງຢືນວ່າ: ອາກຊັງຕິນ ເອົາໃຈໃສ່ເປີດກ້ວາງການຮ່ວມມືໃນທຸກຂົງເຂດກັບ ຫວຽດນາມ, ພິເສດແມ່ນການແລກປ່ຽນການຄ້າ, ການລົງທຶນ ແລະ ເສດຖະກິດ.