(vovworld) – ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີຍີ່ປຸ່ນ Shinzo Abe, ຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ໂດຍທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ນຳໜ້າ, ໄດ້ໄປຮອດນະຄອນຫຼວງໂຕກຽວ, ເລີ່ມຕົ້ນການຢ້ຽມຢາມຍີ່ປຸ່ນ ຢ່າງເປັນທາງການ ໃນລະຫວ່າງວັນທີ 24 – 30/08 ແລະ ເຂົ້າຮ່ວມກອງປະຊຸມສະມັດຊາທົ່ວໂລກເພື່ອແມ່ຍິງ (WAW 2015), ຖືກດຳເນີນໄປໃນວັນທີ 28 ແລະ 29/08 ຢູ່ໂຕກຽວ. ວັນທີ 25/08, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ໄດ້ມີການເຈລະຈາກັບທ່ານປະທານສະພາຕຳຍີ່ປຸ່ນ Tadamori Oshima. ທີ່ການເຈລະຈາ, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ຕີລາຄາສູງການພົວພັນລະຫວ່າງຫວຽດນາມ ແລະ ຍີ່ປຸ່ນ ພວມໄດ້ຮັບການພັດທະນາຢ່າງແຮງ ໃນທຸກຂົງເຂດ, ໃນນັ້ນມີການພົວພັນລະຫວ່າງສະພາແຫ່ງຊາດ 2 ປະເທດ. 2 ຝ່າຍໃຫ້ຄຳໝັ້ນສັນຍາຈະຕັ້ງໜ້າ ແລະ ເປັນເຈົ້າການໃນແນວທາງການພົວພັນ 2 ຝ່າຍ ແລະ ຫຼາຍຝ່າຍ. ກ່ຽວຂ້ອງເຖິງບັນຫາທະເລຕາເວັນອອກ, 2 ຝ່າຍເຫັນດີແກ້ໄຂບັນຫາທະເລຕາເວັນອອກໂດຍສັນຕິວິທີ, ອີງໃສ່ກົດໝາຍສາກົນ, ປະກອບສ່ວນເຂົ້າໃນການພັດທະນາແບບຍືນຍົງ ແລະ ວັດທະນາຖາວອນໃນໂລກ.
ແລະກໍໃນຕອນບ່າຍວັນທີ 25/08, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບຮອງປະທານອົງການຮ່ວມມືສາກົນຍີ່ປຸ່ນ; ຢ້ຽມຢາມສະຖານທູດຫວຽດນາມ ປະຈຳຍີ່ປຸ່ນ ແລະ ຢ້ຽມຢາມບໍລິສັດ Takigawa…