ເລີີ່ມລົງມືກໍ່ສ້າງສູນແກ້ໄຂລະເບີດແຫ່ງຊາດຫວຽດນາມ
ຮອງນາຍົກລັດຖະມົນຕີຮ່ວາງຈຸງຫາຍກ່າວຄຳເຫັນທີ່ພິທີເປີດ ໂຄງການກໍ່ສ້າງສຳນັກງານສູນແກ້ໄຂລະເບີດແຫ່ງຊາດຫວຽດນາມ |
(vovworld)- ພິທີເປີດໂຄງການກໍ່ສ້າງສຳນັກງານສູນແກ້ໄຂລະເບີດແຫ່ງຊາດຫວຽດນາມ ໄດ້ຈັດຂຶ້ນໃນຕອນເຊົ້າວັນທີ 27/4 ຢູ່ ເມືອງ ແທກເທີດ - ຮ່າໂນ້ຍ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີຫວຽດນາມຮ່ວາງຈຸງຫາຍ ເນັ້ນໜັກວ່າ ໂຄງການລົງທຶນກໍ່ສ້າງສູນແກ້ໄຂລະເບີດແຫ່ງຊາດຫວຽດນາມ ແມ່ນໜຶ່ງໃນບັນດາກິດຈະກຳທີ່ມີຄວາມໝາຍທີ່ສຳຄັນຍິ່ງທີ່ມີຕໍ່ວຽກງານແກ້ໄຂຜົນຮ້າຍຢ່ອນຫຼັງຂອງລະເບີດທີ່ຍັງບໍ່ທັນແຕກພາຍຫຼັງສົງຄາມ, ຮັບໃຊ້ພາລະກິດພັດທະນາເສດຖະກິດ-ສັງຄົມຂອງຫວຽດນາມ, ປະກອບສ່ວນຍົກສູງຄວາມສາມາດໃນການເຄື່ອນໄຫວຂອງສູນແກ້ໄຂລະເບີດແຫ່ງຊາດຫວຽດນາມ. ທ່ານຮອງນາຍົກລັດຖະມົນຕີຫວຽດນາມຮ່ວາງຈຸງຫາຍ ສະແດງຄວາມຫວັງວ່າ ຈະສືບຕໍ່ໄດ້ຮັບການຮ່ວມມືຢ່າງແໜ້ນແຟ້ນກວ່າອີກຂອງລັດຖະບານບັນດາປະເທດ, ບັນດາອົງການສາກົນ, ອົງການທີ່ບໍ່ຂຶ້ນກັບລັດຖະບານຕ່າງໆ ທີ່ມີຕໍ່ວຽກງານແກ້ໄຂຜົນຮ້າຍຢ່ອນຫຼັງຂອງລະເບີດທີ່ຍັງບໍ່ທັນແຕກພາຍຫຼັງສົງຄາມຢູ່ຫວຽດນາມ.