ເວທີປາໄສກ້າວເຂົ້າສູ່ ອາຊຽນແລະກອງປະຊຸມ ສຳມະນາສ້າງ FTA ຢູ່ຈີນ
(ພາບປະກອບ: vtc.vn)
(vovworld)- ວັນທີ 23/11, ຢູ່ນະຄອນເຊິນເຈິນ ແຂວງກວາງຕຸງ ປະເທດຈີນ ໄດ້ຈັດໃຫ້ມີ “ເວທີປາໄສກ້າວເຂົ້າສູ່ອາຊຽນ ແລະ ກອງປະຊຸມສຳມະນາກົດໝາຍເຂດການຄ້າເສລີ“ ຄັ້ງທີ 7 ໂດຍມີການເຂົ້າຮ່ວມຂອງບັນດານຜູ້ຊ່ຽວຊານ, ນັກຮຽນຮູ້, ຜູ້ຕາງໜ້າວົງການນັກທະລຸກິດ, ອຸດສາຫະກຳຈີນ. ເວທີປາໄສສຸມໃສ່ປຶກສາຫາລືກ່ຽວກັບຫົວເລື່ອງເພີ່ມທະວີການພັດທະນາເສດຖະກິດລະຫວ່າງຈີນ ແລະ ອາຊຽນ, ຊຸກຍູ້ຍຸດທະສາດເຂດການຄ້າເສລີ (FTA) ຈີນ-ອາຊຽນ… ກ່າວຄຳເຫັນທີ່ເວທີປາໄສ, ທ່ານນາງ….ຊີວຫຼຽນ ອະດີດຮອງປະທານສະພາແຫ່ງຊາດຈີນ, ປະທານສະຫະສະມາຄົມອາຊຽນ-ຈີນ ຖືວ່າ: ຈີນ ຕ້ອງຕັ້ງໜ້າເຂົ້າຮ່ວມວິວັດການເຈລະຈາຄູ່ຮ່ວມມືການຄ້າຫຼາຍຝ່າຍໃນພາກພື້ນ. ແລະ ກໍ່ຕາມທ່ານນາງຊີວຫຼຽນ ແລ້ວ, ເພື່ອຮັບມຶກັບບັນດາສິ່ງທ້າທາຍໃນສະພາບການເສດຖະກິດໂລກປະຈຸບັນ, ຈີນ ຕ້ອງຮັກສາຄວາມດຸນດ່ຽງ, ຮັກສາການເຕີບໂຕເປັນປົກກະຕິ, ພິເສດແມ່ນຕ້ອງຮັບຮອງເອົາການປະຕິບັດຍຸດທະສາດສ້າງບັນດາ FTA ເພື່ອເປີດກ້ວາງການຕ່າງປະເທດ, ຊຸກຍູ້ການປະຕິຮູບລະບຽບກົດໝາຍດ້ານເສດຖະກິດພາຍໃນປະເທດ, ຍົກສູງຄຸນນະພາບພັເທະນາເສດຖະກິດ.