ເສດຖະກິດສັງຄົມມີບັນດາສັນຍານຫັນປ່ຽນຕັ້ງໜ້າໃນເດືອນ4ແລະ4ເດືອນຕົ້ນປີ
ກອງປະຊຸມສາມັນຂອງລັດຖະບານເດືອນ 4/2015
(ພາບ: VGP/Nhật Bắc)
|
(vovworld) – ວັນທີ 25/4, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເປັນປະທານກອງປະຊຸມສາມັນຂອງລັດຖະບານເດືອນ 4/2015. ບັນດາສະມາຊິກລັດຖະບານໄດ້ສຸມໃສ່ຕີລາຄາ, ປະກອບຄຳເຫັນກ່ຽວກັບສະພາບການເສດຖະກິດ - ສັງຄົມ ໃນເດືອນ 4 ແລະ 4 ເດືອນຕົ້ນປີ, ພ້ອມທັງປຶກສາຫາລື ແລະ ເຫັນດີເປັນເອກະສັນຕໍ່ບັນດາມາດຕະການລະອຽດເພື່ອແນໃສ່ແກ້ໄຂບັນດາບັນຫາເກີດຂຶ້ນໃນສະພາບຕົວຈິງ.
ທີ່ວາລະປຶກສາຫາລືໃນຕອນເຊົ້າວັນທີ 25/4, ບັນດາສະມາຊິກລັດຖະບານໄດ້ຕີລາຄາວ່າ: ໃນ 4 ເດືອນຕົ້ນປີນີ້, ເສດຖະກິດມະຫາພາກສືບຕໍ່ເປັນປົກກະຕິ, ດັດຊະນີການໃຊ້ສອຍໃນເດືອນ 4 ເພີ່ມຂຶ້ນ 0,14% ເມື່ອທຽບໃສ່ເດືອນກ່ອນ. ພ້ອມກັນນັ້ນ, ຂົງເຂດອຸດສາຫະກຳ, ພິເສດແມ່ນອຸດສາຫະກຳປຸງແຕ່ງ, ປະດິດສ້າງສືບຕໍ່ຮັກສາທ່າເຕີບໂຕສູງ, ຂົງເຂດບໍລິການພັດທະນາພໍສົມຄວນ, ຍອດວົງເງິນຂາຍຍ່ອຍສິນຄ້າສືບຕໍ່ເພີ່ມຂຶ້ນສູງ… ເຖິງຢ່າງໃດກໍ່ຕາມ, ບັນດາສະມາຊິກລັດຖະບານ ກໍ່ໄດ້ຊີ້ໃຫ້ເຫັນບັນດາຄວາມຫຍຸ້ງຍາກເຊິ່ງພື້ນຖານເສດຖະກິດ ຫວຽດນາມ ຍັງຕ້ອງປະເຊີນໜ້າໃນໄລຍະຜ່ານມາ.
ໃນວາລະປະຊຸມນີ້, ບັນດາສະມາຊິກລັດຖະບານໄດ້ປະກອບຄຳເຫັນກ່ຽວກັບບາງບັນຫາສຳຄັນອື່ນໆທີ່ກ່ຽວຂ້ອງເຖິງແຜນຮ່າງຈຳໜ່າຍທະນະບັດລັດຖະບານສູ່ຕະຫຼາດທຶນສາກົນ, ໂຄງການຈຸດໝາຍແຫ່ງຊາດກ່ຽວກັບການຫລຸດຜ່ອນຄວາມທຸກຍາກ.