(ພາບ: quangninh.gov.vn)
(vovworld)-ຫວ່າງແລ້ວນີ້, ທ່ານນາງຫງວຽນທິຢວານ, ຮອງປະທານປະເທດຫວຽດນາມ ໄດ້ໄປຢ້ຽມຢາມ, ມອບຂອງຂວັນ, ລະດົມກຳລັງໃຈ 30 ຄອບຄົວນະໂຍບາຍ, ຜູ້ປະສົບເຄາະຮ້າຍຈາກທາດພິດສີສົ້ມດີໂອຊິນປະສົບກັບຄວາມຫຍຸ້ງຍາກ ຢູ່ຕາແສງ ເຢິນຮວາ, ເມືອງກີ່ເຊີນ, ແຂວງຮວາບິງ. ນະທີ່ນີ້, ທ່ານນາງຫງວຽນທິຢວານ ສະເໜີໃຫ້ຄະນະພັກ, ອຳນາດການປົກຄອງຂັ້ນຕ່າງໆ ແລະ ປຊຊ ທ້ອງຖິ່ນຕ່າງໆໃນແຂວງຮວາບິ່ງ ກໍ່ຄື ຕາແສງ ເຢິນຮວາ ຕ້ອງເອົາໃຈໃສ່ເຖິງການກໍ່ສ້າງຊົນນະບົດໃໝ່, ຕິດພັນກັບການຮັກສາ ແລະ ເສີມຂະຫຍາຍສີສັນອັນດີງາມຂອງຊາດ, ເອົາໃຈໃສ່ເປັນພິເສດເຖິງການພັດທະນາຂົງເຂດການສຶກສາ-ບຳລຸງສ້າງ, ສ້າງເງື່ອນໄຂອຳນວຍຄວາມສະດວກທີ່ສຸດໃຫ້ເດັກນ້ອຍໄປຮຽນ, ນັກຮຽນມີໂອກາດຮ່ຳຮຽນ. ຄະນະພັກ, ອຳນາດການປົກຄອງຂັ້ນຕ່າງໆຕ້ອງເສີມຂະຫຍາຍມູນເຊື້ອ “ກິນເຂົ້າຄິດຮອດຄຸນນາ, ກິນປາຄິດຮອດຄຸນນ້ຳ“ “ຮັກແພງມະນຸດດ້ວຍກັນ“…. ຂອງຊາດ, ຜັນຂະຫຍາຍການກະທຳ, ວຽກງານອັນແທດຈິງ, ເອົາໃຈໃສ່ເບິ່ງແຍງປະຕິບັດບັນດານະໂຍບາຍໜູນຊ່ວຍຜູ້ມີຄຸນງາມຄວາມດີຕໍ່ການປະຕິວັດ, ໜູນຊ່ວຍບັນດາຄອບຄົວປະສົບກັບຄວາມຫຍຸ້ງຍາກ, ຜູ້ປະສົບເຄາະຮ້າຍຈາກທາດພິດສີສົ້ມດີໂອຊິນໃຫ້ເປັນຢ່າງດີເພື່ອໃຫ້ເຂົາເຈົ້າບີ່ນຕົວຂຶ້ນໃນຊີວິດ.