(ພາບປະກອບ)
(vovworld) - ຕາມຕົວເລກຂອງກົມໃຫຍ່ສະຖິຕິ, ແຂກທ່ອງທ່ຽວສາກົນມາຢ້ຽມຢາມ ຫວຽດນາມ ໃນເດືອນ 02/2016 ຄາດວ່າບັນລຸໄດ້ 834.000 ເທື່ອຄົນ, ເພີ່ມຂຶ້ນ 3,5% ເມື່ອທຽບໃສ່ກັບເດືອນ 01/2016 ແລະ ເພີ່ມຂຶ້ນ 20% ເມື່ອທຽບໃສ່ ເດືອນ 02/2015. ບັນດາຕະຫລາດແຂກທ່ອງທ່ຽວສ່ວນຫລາຍລ້ວນແຕ່ເພີ່ມຂຶ້ນຄື: ຈີນ, ສ.ເຫົາຫຼີ, ອີຕາລີ, ໄທ, ໄຕ້ຫວັນ, ມາເລເຊຍ, ອັງກິດ, ຟີລີບປິນ, ແອັດສະປາຍ, ຊູແອັດ, ເຢຍລະມັນ, ອາເມລິກາ, ແດນມາກ, ໂຮນລັງ, ຍີ່ປຸ່ນ, ສິງກະໂປ ແລະ ການາດາ. ຕາມກົມໃຫຍ່ທ່ອງທ່ຽວແລ້ວ, ໃນ 2 ເດືອນຕົ້ນປີ ຄາດວ່າແຂກທ່ອງທ່ຽວພາຍໃນປະເທດ ບັນລຸໄດ້ 14,2 ລ້ານເທື່ອຄົນ. ຍອດລາຍຮັບຈາກແຂກທ່ອງທ່ຽວ ຄາດວ່າບັນລຸໄດ້ 81.000 ຕື້ດົ່ງ, ເພີ່ມຂຶ້ນ 19% ເມື່ອທຽບໃສ່ກັບໄລຍະດຽວກັນປີ 2015.