ແຂວງນິງບິ່ງສຸມໃສ່ຫັນປ່ຽນກົນໄກການຜະລິດ,ນຳໃຊ້ເຕັດໂນໂລຢີເພື່ອພັດທະນາ
ທ່ານປະທານປະເທດ ເຈືອງເຕີນຊາງ ເຮັດວຽກກັບການນຳຫຼັກແຫຼ່ງແຂວງ ນິງບີ່ງ
(ພາບ: ໜັງສືພິມ Ninh Bình)
(vovworld) – ວັນທີ 12/8, ທ່ານປະທານປະເທດ ເຈືອງເຕີນຊາງ ແລະ ຄະນະປະຕິບັດງານສູນກາງໄດ້ລົງເຮັດວຽກກັບພະນັກງານຫຼັກແຫຼ່ງແຂວງ ນິງບິ່ງ ກ່ຽວກັບສະພາບການພັດທະນາເສດຖະກິດ - ສັງຄົມ ໃນບໍລິເວນແຂວງ, ພິເສດແມ່ນໝາກຜົນຂອງການປະຕິບັດມະຕິກອງປະຊຸມພັກທົ່ວປະເທດຄັ້ງທິ 11 ຂອງພັກ ແລະ ກອງປະຊຸມໃຫຍ່ອົງຄະນະພັກແຂວງຄັ້ງທີ 20. ທີ່ການເຮັດວຽກ, ທ່ານປະທານປະເທດ ເຈືອງເຕີນຊາງ ສະເໜີໃຫ້ການນຳແຂວງ ນິງບິ່ງ ສຸມໃສ່ຊີ້ນຳແກ້ໄຂຄວາມຫຍຸ້ງຍາກໃນການພັດທະນາອຸດສາຫະກຳ, ໃນນັ້ນເອົາໃຈໃສ່ຍູ້ແຮງການຫັນປ່ຽນອຸດສາຫະກຳການຜະລິດ, ມຸ່ງໄປເຖິງການເປັນເຈົ້າການໃນການຜະລິດ, ດຶງດູດໂຄງການເຕັກໂນໂລຢີເພື່ອຍົກສູງມູນຄ່າໃນຂົງເຂດນີ້. ສຳລັບຂົງເຂດກະສິກຳ, ທ່ານປະທານປະເທດ ເຈືອງເຕີນຊາງ ຖືວ່າ: ແຂວງຄວນເອົາໃຈໃສ່ການ ດຸ່ນດຽງ ແລະ ຍູ້ແຮງການນຳໃຊ້ວິທະຍາສາດ, ເຕັກໂນໂລຢີ, ການຜະລິດເປັນສິນຄ້າ, ພິເສດ, ເອົາໃຈໃສ່ຍົກລະດັບການເຕີບໂຕດ້ານກະສິກຳເພື່ອປະກອບສ່ວນຍົກສູງລາຍຮັບໃຫ້ແກ່ຊາວກະສິກອນ. ຄຽງຄູ່ກັນນັ້ນ, ທ່ານປະທານປະເທດ ກໍ່ຕັກເຕືອນແຂວງ ນິງບິ່ງ ຂຸດຄົ້ນຄວາມສາມາດບົ່ມຊ້ອນ, ທ່າແຮງຂອງແຂວງກ່ຽວກັບການຄ້າບໍລິການຕິດພັນກັບການທ່ອງທ່ຽວເປັນຢ່າງດີ.