ແຂວງຟູ໋ອຽນຄວນຍູ້ແຮງການເຄື່ອນໄຫວປຶກສາການເມືອງຕິດຕາມກວດກາ
ທ່ານ ຫງວຽນທ້ຽນເຍີນມີການເຮັດວຽກກັບຄະນະກຳມະການແນວໂຮມປະເທດຊາດ ຫວຽດນາມ ແຂວງ ຟູ໋ອຽນ
(ພາບ: VGP/Từ Lương)
(vovworld) – ໂດຍສືບຕໍ່ການປະຕິບັດງານຢູ່ແຂວງ ຟູ໋ອຽນ, ຕອນເຊົ້າວັນທີ 25/8, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ມີການເຮັດວຽກກັບຄະນະກຳມະການແນວໂຮມປະເທດຊາດ ຫວຽດນາມ ແຂວງ ຟູ໋ອຽນ ກ່ຽວກັບການເຄື່ອນໄຫວຂອງແນວໂຮມທຸກຂັ້ນ. ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ຕືລາຄາວ່າ: ໄລຍະຜ່ານມາ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ແຂວງ ຟູ໋ອຽນ ໄດ້ປະຕິບັດບັນດາໜ້າທີ່ຂອງຕົນເປັນຢ່າງດີ, ປະກອບສ່ວນຮັບປະກັນສະຖຽນລະພາບດ້ານເສດຖະກິດ - ສັງຄົມຂອງທ້ອງຖີ່ນ. ໃນໄລຍະຈະມາເຖິງ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ແຂວງ ຟູ໋ອຽນ ຄວນຍູ້ແຮງການເຄື່ອນໄຫວປຶກສາການເມືອງຕິດຕາມກວດກາ, ບັນດາຂະບວນການຕ້ອງກ້າວເຂົ້າສູ່ລວງເລິກ, ຍູ້ແຮງວຽກງານສ້າງບັນດາເຂດຊຸມຊົນວັດທະນະທຳ, ພິເສດແມ່ນເອົາໃຈໃສ່ເຖິງການສຶກສາເພື່ອກາຍເປັນກຳລັງລັດຖະກອນມີຄຸນນະພາບສູງ. ທ່ານ ຫງວຽນທ້ຽນເຍີນ, ເນັ້ນໜັກວ່າ:
“ບໍ່ພຽງແຕ່ບັນດາອົງການຈັດຕັ້ງແນະນຳໃຫ້ປະຊາຊົນໄດ້ຮັບຊາບເທົ່ານັ້ນ ຫາກຍັງສະມາຊິກພັກກໍ່ຕ້ອງແນະນຳໃຫ້ປະຊາຊົນໄດ້ຮັບຊາບເພື່ອມີການຄົບຊຸດ, ແມ່ນທົ່ວລະບົບການເມືອງຕ້ອງແນະນຳໃຫ້ປະຊາຊົນໄດ້ຮັບຊາບ. ຫວັງວ່າບັນດາສະຫາຍຄິດເບິ່ງວ່າ, ຊາວໜຸ່ມ, ແມ່ຍິງ, ອະດິດນັກຮົບ, ຊາວກະສິກອນເຮັດຫຍັງ, ເພື່ອເບິ່ງແຍງເລື່ອງຮຳ່ຮຽນ, ເອົາໃຈໃສ່ເຖິງການຫາວຽກເຮັດງານທຳ, ບັນດາຜູ້ມີຄວາມເກັ່ງກ້າສາມາດ. ແລະ ສ້າງຕັ້ງກຳລັງວິທະຍາສາດມີຄຸນນະພາບສູງໃຫ້ທ້ອງຖີ່ນ ຟູ໋ອຽນ”