ໂຄງການຫຼຸດຜ່ອນຄວາມທຸກຍາກຄວນສຸມໃສ່ເຂດປະສົບຄວາມຫຍຸ້ງຍາກ
(ພາບປະກອບ:ອິນເຕີແນັດ)
(vovworld) – ຕາມການຊີ້ນຳຂອງທ່ານຮອງນາຍົກລັດຖະມົນຕີຫວຽດນາມ ຫວູວັນນີງ, ໂຄງການເປົ້າໝາຍແຫ່ງຊາດຫຼຸດຜ່ອນຄວາມທຸກຍາກແບບຍືນຍົງໄລຍະ 2016-2020 ຄວນສຸມໃສ່ຫຼາຍກ່ວາເຂົ້າໃນເຂດທີ່ມີອັດຕາສ່ວນຄວາມທຸກຍາກສູງ, ເຂດປະສົບກັບຄວາມຫຍຸ້ງຍາກພິເສດ ແລະ ເຂດມີຈຳປະຊາຊົນບັນດາເຜົ່າສ່ວນໜ້ອຍດຳລົງຊີວິດຢ່າງຫຼວງຫຼາຍ, ໃນນັ້ນມີບັນດາເມືອງທີ່ທຸກຍາກ, ທ່ານຮອງນາຍົກລັດຖະມົນຕີ ຫວູວັນນີງ ມອບໝາຍໃຫ້ກະຊວງແຮງງານ-ທະຫານເສຍອົງຄະ-ສັງຄົມສົມທົບກັບກະຊວງແຜນການ ແລະ ລົງທຶນ, ກະຊວງການເງິນສ້າງວິທີການ ກ່ຽວກັບຍອດແຫຼ່ງທຶນໃຫ້ໂຄງການເປົ້າໝາຍແຫ່ງຊາດຫຼຸດຜ່ອນຄວາມທຸກຍາກແບບຍືນຍົງໄລຍະ 2016-2020. ທ່ານຮອງນາຍົກລັດຖະມົນຕີຫວຽດນາມ ຫວູວັນນີງ ຮຽກຮ້ອງໃຫ້ສ້າງໂຄງປະກອບແຫຼ່ງທຶນຄືນໃໝ່ຕາມທິດລົງທຶນຕາມການໃຫ້ບຸລິມະສິດເປັນລຳດັບ ໂດຍອີງໃສ່ແຫຼ່ງກຳລັງ; ສຸນໃສ່ລົງທຶນໃຫ້ບັນດາທ້ອງຖິ່ນທີ່ປະສົບກັບຄວາມຫຍຸ້ງຍາກ, ຂາດແຫຼ່ງກຳລັງ, ບັນດາທ້ອງຖິ່ນມີເງື່ອນໄຂຕ້ອງໃຊ້ທຶນຕົນເອງ ຫຼື ຮັບການໜູນຊ່ວຍສ່ວນໜຶ່ງຈາກສູນກາງ; ເພີ່ມແຫຼ່ງກຳລັງຕື່ມອີກໃຫ້ການໜູນຊ່ວຍຜະລິດ, ເພີ່ມລາຍຮັບ, ຫຼຸດຜ່ອນຄວາມທຸກຍາກ ໂດຍອີງໃສ່ໃນປະຊາຄົມ ແລະ ທະວີຄູນຮູບແບບຫຼຸດຜ່ອນຄວາມທຸກຍາກ.