ທ່ານ ຜູ້ອຳນວຍການໃຫຍ່ອົງການອະນາໄມໂລກ (WHO) Tedros Adhanom Ghebreyesus (ພາບ: THX/TTXVN)

ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 2 ໂມງເຊົ້າຂອງວັນທີ 13 ກຸມພາ (ຕາມເວລາ UTC), ທົ່ວໂລກໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ແມ່ນ 108.712.368 ຄົນ, ໃນນັ້ນ ມີຜູ້ເສຍຊີວິດ 2.392.588 ຄົນ. ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອພະຍາດໂຄວິດ - 19 ກ່ວາ 28,1 ລ້ານຄົນ, ໃນນັ້ນມີຜູ້ເສຍຊີວິດ 492.521 ຄົນ. ຖັດຈາກນັ້ນແມ່ນ ອິນເດຍ, ບຣາຊິນ ແລະ ລັດເຊຍ.

ຕາມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19, ນັບແຕ່ເວລາ 18 ໂມງຂອງວັນທີ 12 ກຸມພາຫາເວລາ 6 ໂມງຂອງວັນທີ 13 ກຸມພາ, ຫວຽດນາມ ບໍ່ກວດພົບຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ. ປັດຈຸບັນ ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ແມ່ນ 2.142 ຄົນ ໃນນັ້ນມີ 35 ຄົນເສຍຊີວິດ.

ໃນເຫດການທີ່ກ່ຽວຂ້ອງ, ວັນທີ 12 ກຸມພາ, ທ່ານ ຜູ້ອຳນວຍການໃຫຍ່ອົງການອະນາໄມໂລກ (WHO) Tedros Adhanom Ghebreyesus ໄດ້ຢັ້ງຢືນວ່າ ທຸກໆກໍລະນີກໍ່ລ້ວນແຕ່ບໍ່ຈະແຈ້ງໃນການສືບສວນຂອງອົງການນີ້ກ່ຽວກັບຕົ້ນກຳເນີນຂອງ ເຊື້ອໄວຣັດ SARS – CoV – 2.