ຕອນເຊົ້າວັນທີ 10 ມັງກອນ, ຢູ່ ຮ່າໂນຍ, ຄະນະປະຈຳສະພາແຫ່ງຊາດໄດ້ໄຂກອງປະຊຸມຄັ້ງທີ 5, ເພື່ອປຶກສາຫາລືບັນດາບັນຫາທີ່ຍັງມີຄວາມເຫັນແຕກຕ່າງກັນຂອງກົດໝາຍວ່າດ້ວຍການເຜີຍແຜ່ສຶກສາອົບຮົມດ້ານກົດໝາຍ ແລະ ກົດໝາຍວ່າດ້ວຍການປັບໄໝການລະເມີດທາງບໍລິຫານ, ບັນດາຄຳຄິດຄຳເຫັນລ້ວມແຕ່ໄດ້ຖືວ່າ, ປະຈຸບັນ, ວຽກງານເຜີຍແຜ່, ສຶກສາອົບຮົມກົດໝາຍຍັງເຮັດໃຫ້ປະຊາຊົນຕົກເຂົ້າໃນທ່າຮັບ, ຍັງບໍ່ທັນສ້າງເງື່ອນໄຂເພື່ອໃຫ້ປະຊາຊົນເພີ່ມລະດັບຄວາມຮູ້, ແລະ ເຂົ້າໃຈກ່ຽວກັບກົດໝາຍຕ່າງໆ ເມື່ອມີຄວາມຕ້ອງການ. ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ ໄດ້ຖືວ່າມີບາງບັນຫາໃນຮ່າງກົດໝາຍໄດ້ຮັບການດັດແກ້ ແຕ່ຍັງມີລັດສະນະລວມໆ, ຍັງບໍ່ທັນມີຄວາມກະຈ່າງແຈ້ງດ້ານພຶດຕິກຳຕົວຈິງ, ຄວາມເປັນໄປໄດ້ ແລະ ປະສິດທິຜົນຂອງການໂຄສະນາ, ເຜີຍແຜ່ກົດໝາຍ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ເວົ້າວ່າ.
“ ປະຈຸບັນເມື່ອເວົ້າເຖິງການໂຄສະນາເຜີຍແຜ່ກົດໝາຍແຕ່ເຜີຍແຜ່ໃຫ້ໃຜພັດບໍ່ເວົ້າ, ໃຜແມ່ນເປົ້າໝາຍຕ້ອງຮຽນ, ໜ້າທີຮັບຜິດຊອບຂອງຜູ້ຮຽນ, ຜູ້ຄວນຊອກຮູ້ກົດໝາຍພັດບໍ່ເວົ້າເຖິງ. ຮ່າງກົດໝາຍດັ່ງກ່າວກໍ່ຍັງເຮັດໃຫ້ລັດຕົກເຂົ້າສູ່ທ່າຮັບ, ເຮັດພຽງແຕ່ສົ້ນດຽວ, ຂາດຄວາມຮັບຜິດຊອບຂອງປະຊາຊົນ ແລະ ຜູ້ຈັດຕັ້ງປະຕິບັດດ້ານກົດໝາຍ ” .