ໄຂກອງປະຊຸມສຸດຍອດ EU ຢູ່ບຣຸກແຊນ
(ພາບ:vietgiaitri.com)
(TTXVN)- ວັນທີ 18/10, ກອງປະຊຸມສຸດຍອດປະຈຳປີລະດູໃບໄມ້ຫຼົ່ນຂອງສະຫະພາບເອີລົບ (EU) ໄດ້ໄຂຂຶໜຢູ່ນະຄອນຫຼວງບຣຸກແຊນ ປະເທດແບນຊິກ. ກອງປະຊຸມໄດ້ປຶກສາຫາລືແລກປ່ຽນຄຳເຫັນເພື່ອຍົກອອກບັນດາຂໍ້ກຳນົດກ່ຽວກັບອະນາຄົດຂອງພາກພື້ນໃຊ້ສະກຸນເງິນເອີໂຣລວມ (Eurozone) ແລະ ສຸມໃສ່ປຶກສາຫາລືກ່ຽວກັບສຳພັນທະພາບເສດຖະກິດ ແລະ ເງິນຕາ (EMU), ຮັບຮອງເອົາບົດລາຍງານຂອງປະທານສະພາເອີລົບ Van Rompuy. ນີ້ກໍ່ຖືກຖືວ່າແມ່ນບາດກ້າວກະກຽມສຳຄັນໃຫ້ແກ່ກອງປະຊຸມສຸດຍອດ EU ຊື່ງຈະດຳເນີນໄປໃນເດືອນ 12/2012 ຈະມາເຖິງ. ນອກຈາກນັ້ນແລ້ວ, ບັນດາການນຳ EU ຍັງໄດ້ເຕື້ອງເຖິງຂອບຂະໜາດຂອງກົນໄກຮັກສາເອີລົບເປັນປົກກະຕິ ດ້ວຍການສະໜອງທຶນໃຫ້ບັນດາທະນາຄານອ່ອນແອໃນພາກພື້ນຄືນໃໝ່. ແລະ ກໍ່ໃນກອງປະຊຸມຄັ້ງນີ້, ບັນດາການນຳ EU ຈະແລກປ່ຽນຄຳເຫັນກ່ຽວກັບຄວາມສາມາດຈະມີບັນດາກົນໄກພິເສດຕື່ມອີກໃຫ້ແກ່ Eurozone, ຄືດັ່ງງົບປະມານພິເສດໃຫ້ແກ່ກຸ່ມນີ້, ສ້າງຄັງເງິນ, ເພີ່ມທະວີການລວມສູນໃນບັນດາຂົງເຂດງົບປະມານ, ສິດບໍລິຫານເສດຖະກິດ ແລະ ກອງທຶນຊື້ໜີ້ສິນຄືນ