( vovworld ) – ວັນທີ 4/5, ຢູ່ນະຄອນ Quy Nhon, ແຂວງ Binh Dinh, ຄະນະກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດ ສົມທົບກັບຫ້ອງວ່າການສະພາແຫ່ງຊາດແຂວງ Binh Dinh ເປີດການສຳມະນາຍົກສູງຄວາມສາມາດຂອງແມ່ຍິງທີ່ເປັນສະມາຊິກສະພາແຫ່ງຊາດກ່ຽວກັບການໄຈ້ແຍກນະໂຍບາຍ ແລະ ສະເໜີຄຳຄິດເຫັນ, ໃຫ້ແກ່ສະມາຊິກສະພາແຫ່ງຊາດ 50 ທ່ານ ທີ່ມາຈາກບັນດາແຂວງທາງພາກກາງ ແລະ ເຂດ Tay Nguyen. ກອງປະຊຸມນີ້ ແມ່ນເພື່ອແນໃສ່ສະໜອງຂໍ້ມູນຂ່າວສານໃຫ້ແກ່ການເຄື່ອນໄຫວດ້ານກົດໝາຍໃນບາງຂົງເຂດຄື; ເສດຖະກິດ, ການເງິນ, ສັງຄົມ ແລະ ບົດຮຽນໃນພຶດຕິກຳຕົວຈິງ, ຍົກສູງລະດັບຄວາມຮູ້, ເຕັກນິກກ່ຽວກັບການໄຈ້ແຍກນະໂຍບາຍ ແລະ ບັນລະຍາຍຄຳຄິດຄຳເຫັນຢູ່ທີ່ບັນດາກອງປະຊຸມສະພາແຫ່ງຊາດ. ເພີ່ມທະວີການເຂົ້າຮ່ວມຂອງແມ່ຍິງທີ່ເປັນສະມາຊິກສະພາແຫ່ງຊາດ ແລະ ຜູ້ແທນສະພາປະຊາຊົນໃນການວາງແຜນກຳນົດນະໂຍບາຍ. ນີ້ກໍແມ່ນໂອກາດເພື່ອໃຫ້ແມ່ຍິງທີ່ເປັນສະມາຊິກສະພາແຫ່ງຊາດ ໄດ້ແລກປ່ຽນຂໍ້ມູນຂ່າວສານ, ບົດຮຽນໃນການເຄື່ອນໄຫວ ເພື່ອຊ່ວຍເຫຼືອບັນດາທ່ານນາງປະຕິບັດການເຂົ້າຮ່ວມຢ່າງຕັ້ງໜ້າ ແລະ ມີປະສິດທິຜົນກວ່າໃນການຕົກລົງບັນດາບັນຫາສຳຄັນທີ່ກ່ຽວຂ້ອງເຖິງປະເທດຊາດ ແລະ ຊີວິດການເປັນຢູ່ຂອງປະຊາຊົນໃນຖານະບົດບາດ, ຕຳແໜ່ງ ແລະ ໜ້າທີ່ຂອງຕົນ.